SEBASTIAN:
Sir, baka mayroon po kayong opening message para po sa ating mga kababayan?

SEC. ANDANAR: 
Magandang umaga po sa inyong lahat. So good morning, Albert, at sa lahat ng nakikinig sa Radyo ng Bayan, sa mga kasamahan natin sa Malacañang Press Corps.

SEBASTIAN:
Getting on with the questions, sir, tanong po mula kay Giovanni ng Philippine Star. Ang tanong po niya: Comment lang daw sa alleged WikiLeaks report as allegedly given by Ambassador Kenney.

SEC. ANDANAR: 
Hindi ko pa po nakikita iyong WikiLeaks, at ito ay mayroong—bagama’t may finorward (forward) sa atin na WikiLeaks report, ito po ay finorward din natin sa opisina ni Secretary Jun Esperon. Hindi ko pa ho nababasa iyong buong report na iyon.

SEBASTIAN:
Question naman po galing kay Ted Tuvera ng Tribune. Ang tanong po niya: Usually daw po when the President says the “P.I.” word, the clarification is linguistic or cultural barrier. How do you clarify President Duterte’s “F” word curse to the EU? Is that also an assertion of his independent foreign policies? If so, is there no other way for the President to express himself?

SEC. ANDANAR: 
Doon po sa naging talumpati ni Presidente noong nakaraang linggo, malinaw naman po na inimbitahan ng ating Pangulo ang European Union at ang United Nations, lalo na patungkol sa mga issue ng extra-judicial killings at human rights. At ito’y nangangahulugan lamang na ang ating Pangulo ay bukas sa international organizations para tignan ang record ng extra-judicial killings at human rights.

Now, pagdating po doon sa lengguwahe ng ating Pangulo kapag ginagamit niya po iyong “P.I.” na word, eh sinabi na naman ng Pangulo na ito talaga ay kaniyang nakasanayan na at ito talaga iyong the way the he talks. So wala ho naman tayong tinatago at hindi naman tayo nagkunwari din. Ang ating Pangulo, noong siya’y kumakandidato, ay kaniya pong binabanggit iyong “P.I.” sa mga speech. At sa kabila noon, nanalo siyang pagkapangulo. Ibig sabihin ho ang ating mga kababayan ay mas malalim ang kanilang tingin sa Pangulo.

SEBASTIAN:
Okay, another question po from Ted. Ang tanong po niya: There’s a report that former President Arroyo is offered by President Duterte to be the DFA Secretary. Since the President himself said a month back that Secretary Yasay, his stint is temporary. Is Mrs. Arroyo indeed considered or is there an offer?

SEC. ANDANAR: 
Pasensiya na po at wala akong direktang … na latest na impormasyon tungkol sa balitang iyan.

SEBASTIAN:
All right, sir, from Ted Tuvera pa rin: When President Duterte gave his third and verified narco list to the AFP and the PNP, what was his purpose? Kasi ang sinasabi niya, ‘bahala na kayo.’

SEC. ANDANAR: 
The President has his own reason when he decides to do something, or in this case, ay sinabi niya po iyon sa publiko during one of his speeches na ibibigay niya sa AFP. Now, it is what it is. We heard him say that, and we accept it the way it is unless the President said otherwise, then that’s the time that we have to clarify it.

SEBASTIAN:
Another question from Ted: Your reaction daw po to Senator De Lima and Representative Baguilat’s statement, warning the Duterte administration not to drag PNoy’s name in the drug issue, if they’re even such a (unclear)

SEC. ANDANAR: 
I would rather not react to those comments, kasi alam naman natin na sensitive po ang relationship ng Ehekutibo at ng … Senador Leila De Lima. So, I would rather not react to it.

SEBASTIAN:
All right. Ang follow up po niya: Is the Palace convinced with the testimonies made by the Bilibid detainees at the House probe versus Senator De Lima?

SEC. ANDANAR: 
It is up to the Lower House and the members of that committee to decide.

SEBASTIAN:
All right. Question naman po galing kay Efren Montano. Ang tanong po niya: What does the Palace’ position regarding the House probe regarding drug trade in Bilibid? And when can we expect formal charges filed in court?

SEC. ANDANAR: 
The expectation is for Congress to do its job and its mandate to have all of these in aid of legislation investigation.

SEBASTIAN:
And are we expecting other higher government officials to be unmasked?

SEC. ANDANAR: 
I don’t really know what the plan of Congress is. Hindi ko rin alam kung ano ang plano ni DOJ Secretary Vit Aguirre. But he did mention that he has some basis up his sleeves.

SEBASTIAN:
All right. Another question din from Efren Montano: Do we already have definite dates regarding President Duterte’s foreign trip next month to China, Japan and Vietnam?

SEC. ANDANAR: 
Ang malinaw lang po sa atin ay ang biyahe, working visit ng ating Pangulo sa Vietnam ngayong darating na linggo – Wednesday, if I’m not mistaken.

SEBASTIAN:
Okay, sir, question naman po galing kay Jo Montemayor. Ang tanong po niya: Is President Duterte will have a meeting with any business groups, and what groups are these during his Vietnam visit? If he will also meet with the FilCom?

SEC. ANDANAR: 
Ang alam ko lang ho ay mayroong naka-schedule tentatively na meeting with the Filipino communities. Hindi ko po tiyak kung sino eksakto ang mga ka-meeting ng Pangulo, at hindi ko rin po sigurado kung sino iyong mga ka-meeting sa mga business organizations sa Vietnam.

But ang nakakasiguro lang po ako ay kasama natin si Secretary Mon Lopez. At mayroon pong inihanda si Secretary Mon Lopez na programa na may kinalaman po sa kaniyang departamento.

SEBASTIAN:
All right. Follow up po ni Jo: Will Executive Secretary Medialdea again head the caretaker committee while President Duterte is away? And if so, why not Vice President Robredo?

SEC. ANDANAR:
Most likely po, si Executive Secretary Bingbong Medialdea ang magiging caretaker at magiging tagapangasiwa po ng opisina ng ating Pangulo, at siya po ang magiging katuwang ng Pangulo habang ang Pangulo ay nasa Vietnam.

SEBASTIAN:
Another question, sir. Tungkol po doon sa mga programa po ng pamahalaan ukol doon sa rehabilitation ng mga drug users, again, Philhealth po iyong mag-aasikaso ukol po … ang magpopondo dito po.

SEC. ANDANAR:
Yes.

SEBASTIAN:
Can you explain to the public po na hindi naman made-decrease iyong pondo ng PhilHealth para na rin po magamit din sa iba pang mga programa ng Philippine Health Insurance?

SEC. ANDANAR:
Nabanggit iyan, Albert, ng ating Pangulo na he came into the office midstream, only midyear at alam naman natin na ang budget ho ngayong taon na ito ay ang budget na inihanda ng nakaraang administrasyon. At mayroong mga bagong programa ang ating Pangulo na ipinatupad na hindi naman budgeted din noong nakaraang budget na isinabmit (submitted) ng Aquino administration. Kaya nga ho sabi ng Pangulo, hindi niya inaasahan na ganito kadami ang problema sa mga adik, sa iligal na droga sa bansa natin. Kaya’t problema dito ay iyong pagpapagawa ng mga rehabilitation centers dahil wala ho talaga ito sa budget na isinumite noong nakaraang administrasyon.

But kahit na ganoon ay kailangan pa ring magtrabaho ng pamahalaan. We are—(phone connection cut).

SEBASTIAN:
Sir?

SEC. ANDANAR:
So uulitin ko lang, we are making use of whatever is available, all of the resources, tulung-tulong ang iba’t ibang departamento; tulung-tulong din ang Armed Forces of the Philippines at Philippine National Police para sa drug rehabilitation. Pero tayo po’y nakakatiyak na sa susunod na taon ay mapupunan ho iyong budget o magkakaroon tayo ng sapat na budget para sa mga programa ng ating Pangulo.

SEBASTIAN:
All right. And, sir, right now, sir, ang Bagyong Helen ay nasa Batanes muli, continues to batter, I think, Batanes. So, kumusta na po ang ating relief and rehab program po diyan sa—may karagdagang po bang pondong ilalabas ang pamahalaan?

SEC. ANDANAR:
We are continually monitoring itong Bagyo, at ito po’y sa pangunguna ni Undersecretary Ricardo Jalad. At ang ating DSWD ay handa naman para tumugon sa anumang problema kung ito po ay mag-landfall o hindi. Pero sa pagkakaalam ko, sa balita po ng Philippine Star ay hindi naman ito magla-landfall.

SEBASTIAN:
All right. Question po mula kay Aileen Taliping. Ang tanong po niya: Mayroon na daw po ba iyong gastos daw po ng Pangulo sa Laos at Indonesia trips? They’re still waiting daw po.

SEC. ANDANAR:
Wala pa po. Hinihintay natin ang Office of the Executive Secretary para ito po ipakita sa inyo. Pero ganoon pa man, huwag ho kayong mangamba dahil ito naman ay bukas para sa lahat once it is available.

SEBASTIAN:
All right. Question po galing naman kay Gen Kabiling ng Manila Bulletin. Tanong niya: Is the government ready to cooperate with the United Nations’ probers on the summary killings?

SEC. ANDANAR:
Opo, iyon po ang sinabi ng ating Pangulo. In fact, siya po iyong nagsabi niyan sa kaniyang talumpati na kinukumbida niya iyong mga EU at UN para gumawa ng kanilang imbestigasyon dito sa issue ng human rights at extra-judicial killings.

SEBASTIAN:
Follow up din ni Gen: Why did the government impose certain restrictions on how the investigation should be done? Aren’t these restrictions a form of censorship and control as claimed by Senator De Lima?

SEC. ANDANAR:
Wala po akong nakikitang—hindi ko pa po nababasa iyong sinasabi ni Gen, iyong restrictions. At ang alam ko ho, the President is willing to write a letter to invite them, kagaya noong sinabi po ng Pangulo. At sa pagkakaalam ko, ang sinabi lamang po ng Pangulo ay after you ask questions, then he will then ask questions. I don’t think that he is asking for the moon and the stars.

SEBASTIAN:
And another question po from Gen: Is it true that the President has a separate list of celebrities with suspected drug links? And will he also name and shame them?

SEC. ANDANAR:
Wala po akong direktang knowledge diyan sa sinasabi na mayroon umanong listahan ng mga celebrities na sangkot sa iligal na droga.

SEBASTIAN:
Perhaps po kaya ang PNP, baka po mayroon? Would you (unclear)?

SEC. ANDANAR:
Opo, aalamin po natin sa Philippine National Police. Iyan po ay narinig ko rin po; I heard it through the grapevine. But for me to say that I have direct knowledge na mayroong ganiyan, wala po.

SEBASTIAN:
All right. Question naman po mula kay Ted Tuvera muli. Ang tanong niya: So what exactly is the dynamics of the independent foreign policy when Secretary Yasay said that the world shouldn’t interfere with the Philippines’ anti-drug campaign? Are we banning other nations from raising concerns about the Philippines?

SEC. ANDANAR:
Iyong independent foreign policy is just a matter of saying na, iyon nga, not to interfere with our issues in our country. Ganoon naman eh, it’s an ASEAN way, part of the ASEAN body na kung anuman iyong nangyayari sa ibang bansa, hindi tayo makikialam; iyong nangyayari sa atin, hindi rin sila makikialam. We have our own problems to solve and they lso have their own problems to solve.

SEBASTIAN:
Okay, so wala na tayong natatanggap, sir, na mga questions pa mula sa MPC. But kayo, sir, baka mayroon po kayong final message para sa ating mga mamamayan na tagapakinig, sir?

SEC. ANDANAR:
Ito lang ho, nagkausap po kami ni Secretary Sonny Dominguez at nabanggit niya lang na for the entire week ay baka puwede pong ma-cover ng ating mga kapatid sa … ng mga reporters sa Department of Finance naman – alam kong labas na ho ito sa MPC – pero nagpapatulong lang ho si Department of Finance Secretary Dominguez. Magkakaroon ho siya ng ano, iyong BCC HOR plenary hearing tapos mayroon din po siyang investment coordinating council meeting, at mayroon silang tax congress dialogue with the business groups. Ito po ay mangyayari sa September 28 ‘no.

At binanggit din po ni DOF Secretary na mayroon din pong mahalagang meeting between the DOF at iyong European Union-ASEAN Business Council ngayong September 29. So kung gusto ninyo pong i-cover iyong mga balitang ito, mga activity ay tumawag lang po kayo sa tanggapan ni Department of Finance Secretary Sonny Dominguez.
Iyon lang po. Salamat, Albert.

SEBASTIAN:
All right, sir. Maraming salamat, sir, sa inyong oras na binigay po sa bayan, sir.

SEC. ANDANAR:
Salamat, Albert. Mabuhay ka.