HIDALGO: Si Secretary Ernesto Abella ay nasa Line 2. Siya po iyong Presidential Spokesperson ng Pangulong Duterte. Good morning sa inyo, Secretary Abella.

USEC. ABELLA: Good morning po. Kumusta po kayo?

HIDALGO: Ito, okay lang po at happy Sunday po. Junry Hidalgo po ito at saka Noel Alamar. Secretary, papaano ninyo po mai-describe sa kukonting sentence ang naging panunungkulan ng Duterte administration po sa loob ng isandaang araw?

USEC. ABELLA: Based po siguro sa pananaw ng Presidente ‘no, ilagay lang po natin iyong context ‘no. Doon sa kaniyang context, iyong kaniyang pananaw which he said in a … nang ineksplika po niya doon sa kaniyang inaugural speech na what he wants is a comfortable life for all ano, iyong maaliwalas na buhay para sa lahat. At saka po iyong kaniyang three-point agenda na … iyong three-point niya na reduce poverty, tapos mag-create ng peace within our borders, at saka iyong to address crime and corruption and drugs, ay maganda naman po … mukhang maganda naman po ang kaniyang ano, based lang po sa approval rating ng mga tao at saka po ng … at saka po sa Congress.

Sabi nga sa headline kahapon ng Bulletin, Duterte gets an ‘A’ kumbaga. Kumbaga po, based on results … based ng poll results and based on the stated objectives ay maayos po iyong first hundred days ng Presidente. Iyon po ang nakikita natin based on results saka po sa approval rating ng mga tao.

HIDALGO: Secretary Abella, nakakarating ho ba sa Pangulo iyong mga – mga daing po ang gagamitin kong word – mga daing ng mga inosente na napapatay po sa war on drugs ng Pangulo?
USEC. ABELLA: Nakikita naman po ang Presidente ang big picture ano. However po, siguro makita rin po natin na … siguro makita din talaga dapat natin ano talaga iyong hinaing din ng Presidente. Where he comes? Saan ba iyong hugot niya? Saan ba siya nanggagaling ‘no? At ang nakikita po niya siguro, maybe not many people see it also ‘no, na ang nakikita niya talaga iyong the extent, iyong paggamit ng drugs na mukhang hindi pa yata gaanong na-appreciate ng Pilipino ‘no kung gaano kalalim at kalawak po talaga ang paglaganap ng drug, illegal drug problem.

Well, in fact po, sabing ganoon eh 97% po ng mga barangay has actually been affected. Ninety-seven percent of barangays, can you imagine that? (Unclear) 45,000 barangays all over the Philippines ‘no. So, isa po siguro iyan na alam po ng Presidente ang nangyayari. Nakikita po niya. And ang ano niya is, pabalik-balik po niyang sinasabi na everything must be done with regularity and within the bounds of law. Iyon po ang masasabi ko.

ALAMAR: Magandang tanghali po, Secretary Abella, si Noel Alamar po ito ano po. Ano po iyong reaction ng Palasyo sa paglalarawan ng isang French newspaper kay Pangulong Digong bilang isang serial killer? Ito po’y kaugnay doon sa kampanya pa rin po sa illegal drugs.

USEC. ABELLA: Iyong masasabi ko po, I think it’s irresponsible. It’s irresponsible the way they have said it and the way they carelessly used these words and their media power to think the Philippines in such a way ‘no. The best way I can say it is, it’s irresponsible. Iyon po masasabi ko.

ALAMAR: Okay. Wala ho bang ano ‘to, kumbaga eh hindi ho ba ito iyong sumasalamin sa katotohanan po sa ating bansa ngayon?

USEC. ABELLA: Eh palagay po ninyo, hindi ba? (Laughs) Sa palagay po ninyo ganoon nga ba? I think the best picture ‘no, the best mirror of what’s happening in the Philippines is that iyong tao mismo, iyong taumbayan na apektado. But so far po, ang isang nakikita natin sa response ng mga tao, they have a very high appreciation of what the President is doing and his stance.

Siguro po ang nangyari is napaka—for the longest time kasi, parang hindi talaga siya pinansin at binigyang-tuon in the past ‘no. And ngayon, napakalaki na so drastic measures have to be taken for drastic situation. But, we appreciate the President dahil lagi niyang sinasabi kahit na very colorful iyong language niya, pero in practice, everything has to be done with regularity.

Q: Ano po ang reaksiyon ninyo, Secretary, na nagda-damage control na ang Palasyo sapagka’t noong isang linggo po, bukod sa—dapat ho inaasahan ng mga taga-Malacañang Press Corps ay mga members from the Cabinet ang magpapatotoo sa mga nagawa ng Duterte administration. Inimbitahan sa regular briefing ng MPC iyong pong mga taga-PCCI, si Peter Wallace, si Jose Almonte. Ano ho ba ang rason bakit sila iyong naimbitahan diyan para daw sumagot sa mga tanong ng mga reporter?

USEC. ABELLA: Actually, that was my call. Kasi narinig ko po sila, I heard them, iyong mga taong iyon, and on a first—kasi puwede rin naman, imadyinin mo, before nga nitong hundreds days na ito, we were inviting sina Ernie Pernia, sina Ka Mariano, sina Sonny Dominguez. We invited them already. Ngayon, we felt, I personally felt that was important na marinig po ng taumbayan ang mga responses ng mga tao na hindi naman sila iyong involved in government pero (unclear) Kaya inimbita ko sila so that makarinig naman tayo ng mga tao na hindi galing sa gobyerno.

So it was not damage control. In fact, it was a celebration of the hundred days. (Unclear) the perception was people would appreciate it. And you can see some people naman, may number of people naman who appreciated it.

Q: Kasi po iyong mga naimbitahan ninyo ay hindi naman lingid sa kaalaman ng mga tao na ito iyong mga taga-suporta ni dating Pangulong Ramos, dating Pangulong Arroyo. Ito hong dalawang dating Presidente ay kaalyado ni Pangulong Duterte ngayon eh, siyempre puro magaganda ang sasabihin nila.

USEC. ABELLA: Pero mayroon sarili din silang buhay at pag-iisip, mga negosyante sila, mga taong responsable. And katulad ni Peter Wallace, hindi naman siguro siya ano, matinong tao naman siya, hindi ho ba? Matinong tao ito. In fact, hindi siya magsasalita ng ganyan dahil diyan nakabase ang kaniyang negosyo, iyong Wallace Business Forum. I actually presumed that being business people, they would be able to come up with objective answers so kaya po natin sila inimbita.

HIDALGO: Pero, Secretary iyong katulad ng nabanggit ng partner ko, si Noel Alamar, nakakabilib talaga ang kampaniya ng administrasyong ito sa problema ng iligal na droga. Iyong po bang problema ng kahirapan ay nakalinya pa rin ho ba para maresolba ng Pangulong Duterte?
USEC. ABELLA: Ang alin po, iyong problema sa alin?

HIDALGO: Kahirapan,.

USEC. ABELLA: Opo, opo. Katatapos din po ng NAPC, iyong national commission for poverty reduction. Katatapos lang po. Actually, iyon nga ang nangyayari, minsan natatabunan iyong mga gawain, iyong ibang mga projects ng Presidente. Pero ano po, napaka-exciting po ng ginagawa ng ating Gabinete ‘no because … and in fact, nare-recognize po ng Presidente na hindi naman nanggagaling lahat ang ideya sa kaniya. Kaya po siya kumuha ng mga Gabinete na kung saan-saan, from left to right persuasion, political persuasion. At si Secretary Liza Maza nga iyong sa National Anti-Poverty Commission, katatapos lang po nila talaga ng programa that will address this area, iyong kahirapan. Iyon naman pong ano … katatapos lang. Sa economic side naman po ay ina-address din po iyan ng ating ten-point agenda. Very well rounded po iyong approach ni Presidente by getting the right people and allowing them to function. Iyon po.

Q: Secretary Ernesto Abella, ang Presidential Spokesperson. Salamat po sa oras ninyo, Secretary.

USEC. ABELLA: Salamat din po sa inyo.