USEC. IGNACIO: Magandang umaga, Pilipinas at sa buong mundo. Ngayon po ay Miyerkules, ikalawang araw ng Marso, ikalawang araw na rin po ng pagpapatupad ng Alert Level 1 sa ilang lugar sa bansa kabilang na po ang Metro Manila. Kaya naman ngayong umaga, kumustahin natin ang mga pagbabagong ipinatupad sa pampublikong transportasyon at kung kailan dapat asahan ang pagpapalawig ng limited face-to-face classes sa mga paaralan sa buong kapuluan.
Ako po si Usec. Rocky Ignacio, at ito ang Public Briefing #LagingHandaPH.
Pinulong ni Pangulong Rodrigo Duterte ang iba’t ibang opisyal ng pamahalaan at kasama po ang ilan pang stakeholders para talakayin ang kasalukuyang sigalot sa pagitan ng Ukraine at Russia at ang epekto nito sa Pilipinas. Kabilang sa mga nakilahok dito ang ilang miyembro ng Gabinete, mga pinuno ng Sandatahang Lakas ng Pilipinas, ng Pambansang Pulisya at iba pang personalidad. Sa inisyal na detalye na inilabas ng Malacañang, kasama sa mga tinalakay ang security and defense plans ng Pilipinas, pagtugon sa epekto sa ekonomiya ng sitwasyon sa Ukraine at pagbuo ng contingency plans hinggil dito.
Kaugnay niyan nakauwi na kahapon sa Pilipinas ang ikalawang batch ng mga Filipino migrant at workers mula sa Ukraine na naapektuhan nang nagpapatuloy pa ring gulo doon. Ang detalye sa report na ito:
[VTR]
USEC. IGNACIO: Simula kahapon ay full passenger capacity na ang ipinatutupad sa mga pampublikong sasakyan sa mga lugar na nasa ilalim ng Alert Level 1. Bagama’t ikinatuwa ito ng mga PUV drivers, kulang pa rin daw ang kanilang kinikita dahil sa tuluy-tuloy namang pagtaas ng presyo ng produktong petrolyo. Kaugnay niyan makakausap po natin si Attorney Zona Tamayo, ang NCR Regional Director ng Land Transportation Franchising and Regulatory Board. Magandang umaga po, Director.
LTFRB NCR REG. DIRECTOR TAMAYO: Yes, ma’am. Magandang umaga po.
USEC. IGNACIO: Opo. Attorney, kailan po ba inaasahang maibababa sa mga driver at operators ng public utility vehicles ito pong fuel subsidy mula po sa gobyerno?
LTFRB NCR REG. DIRECTOR TAMAYO: Minamadali na ho natin sa hanay po ng DOTr at LTFRB na maproseso na po itong fuel subsidy po para sa ating mga transport sector. Sa ngayon ho ay nakipag-ugnayan na ho tayo sa DOE at sa DBM para ho sa pag-process po at pag-release po ng funds.
Mayroon lang ho kasing provision din po doon sa ating General Appropriations Act for 2022 kung saan ho kinakailangan ho malaman din ho natin, ng DBM, ang three-month po na price po ng krudo – kinakailangan ho umabot ho ng 80 dollars ‘no per barrel. Humingi na ho tayo ng certification po diyan mula sa DOE so ngayon ho ay inaantay po natin ang pagproseso po nito from DBM para ho once ho na matanggap na ho ng DOTr at ng LTFRB ang pondo ay maibigay na rin ho natin iyong subsidiya na ito sa ating mga transport operators po.
USEC. IGNACIO: Attorney, kung dadaan po sa operator itong fuel subsidy para sa mga driver nila, paano naman po ito makukuha ng mga TNVS drivers? Pantay-pantay po ba na 6,500 pesos iyong makukuha nilang lahat, tama po ba ito?
LTFRB NCR REG. DIRECTOR TAMAYO: Sa computation po natin, tama ho kayo, P6,500 per unit. Ngayon ho ang ipatutupad ho kasi nating proseso ay katulad din ho noong mga nakaraang taon kung saan nagbigay rin po tayo ng fuel subsidy. Iyong card po na i-issue natin ay mayroon hong nakalagay na plate number so para ho mayroon tayong basis po ‘no ‘pag sila ay nagpresenta na ho doon sa ating mga participating gasoline stations.
So iyong card po na iyon, kung sino po ang may hawak noon ima-match po iyon doon sa plate number noong sasakyan mismo na nagpapa-gas para ho makuha ho or magamit po iyong fuel subsidy po na iyon. So iyong card po na iyan ay—kung ang operator ho ang nakapangalan ho ‘no pero iyong card po ay puwede naman hong gamitin ng driver dahil ang magiging reference po natin ay iyong plate number po.
USEC. IGNACIO: Opo. Pero, Attorney, sa ngayon po ba ay finalized na iyong listahan ng DOTr at LTFRB para daw po doon sa mga mabibigyan ng subsidy?
LTFRB NCR REG. DIRECTOR TAMAYO: Tama po kayo, mayroon na ho kaming listahan – base po ito sa ating record po ‘no, iyong official record po or iyong database po namin sa LTFRB na mayroon hong mga valid pong franchises po.
USEC. IGNACIO: Opo. Attorney, bagama’t malaki ngang ginhawa itong fuel subsidy, mas makakatulong daw po ito para—kung diringgin na ng pamahalaan itong panawagan daw po ng mga driver at operator na taas pasahe. Ganito rin po iyong tanong ni Gerald de la Peña ng TV-5: Kumusta po daw iyong naging meeting ninyo sa ilang transport groups tungkol dito?
LTFRB NCR REG. DIRECTOR TAMAYO: Nagkaroon nga po tayo ng coordination meeting sa ilang mga transport leaders po at naipaliwanag po natin iyong—dalawang programa po actually iyong napag-usapan ho noon – iyong [garbled] at iyong service contracting. Kung matatandaan ninyo ho isa rin hong programa para po matulungan ang ating transport sector ay iyong tinatawag nating service contracting kung saan ho napapaloob iyong programa ho natin na libreng sakay at binabayaran din ho ang ating mga drivers/operators po sa mga binibiyahe po nila.
Now iyong dalawang programa hong ito naipaliwanag ho natin although admittedly po ang pondo for this year ay wala pa po sa DOTr at LTFRB. So inaantay ho natin iyong pag-download po ng pondo para po maipatupad na ho natin iyong dalawang programang ito. Naintindihan din ho ng ating mga transport leaders na gumagawa ho talaga tayo ng paraan sa ilalim ho ng pamumuno ni Secretary Art Tugade na matulungan po ang ating transport operators and drivers lalo na nga po at worldwide po ay tumataas po ang presyo ng krudo. So, maganda naman ho iyong naging pag-uusap namin.
USEC. IGNACIO: Opo. Attorney, may follow up lang po si Tuesday Niu ng DZBB: Pa-clarify po. Ang fuel subsidy ba ay in cash na makukuha o fuel na ikakarga po sa kanilang mga sasakyan?
LTFRB NCR REG. DIRECTOR TAMAYO: Ito po ay ipapasok po natin sa ating Pantawid Pasada Card na sa ilalim ho iyan ng Landbank. So mayroon hong card na i-issue po ang Landbank at doon po sa account nila ipapasok po iyong amount ng fuel subsidy, parang ATM card po.
USEC. IGNACIO: Opo. Ito po iyong isa pang tanong, Attorney: Mapagbibigyan po ba iyong three to five pesos fare hike na hinihingi ng mga transport groups? At the most, magkano lang po iyong sa tingin ninyo iyong feasible na puwede na itaas sa pasahe?
LTFRB NCR REG. DIRECTOR TAMAYO: Ma’am, hindi ko ho masasagot ho iyan dahil hi-hearing-an pa ho ng board ‘yan itong March 8. I don’t want to preempt po kung ano ho ang desisyon po ng board po tungkol sa usapin na iyan. Pero sabi ho natin, pinipilit ho nating balansehin dahil ayaw naman ho natin na sa pagtaas po ng presyo ng krudo ay ang ating mga pasahero din po ang sasagot po noong pagtaas na iyon sa pamamagitan ho ng pagtaas ng pamasahe. So binabalanse ho natin iyan, nakipag-ugnayan din ho tayo sa NEDA para mapag-aralan din ho iyong epekto kung saka-sakali hong magtataas ng pamasahe, ano hong epekto nito sa pangkalahatan ho ‘no. Because we’ve mentioned po in the past na iyong usapin po kasi ng pamasahe ay may domino effect po iyan sa iba’t ibang presyo rin ho ng bilihin. So binabalanse po iyan ng board. Hindi ko lang po sila puwedeng pangunahan dahil magkakaroon pa rin naman po ng hearing iyan sa March 8 po.
USEC. IGNACIO: Opo. Attorney, tama po ba na maging itong mga Transport Network Vehicle Services o itong TNVS ay humihingi rin po ng 55 pesos added flag down rate at additional 15 to 20 pesos sa kada succeeding kilometers. Ano po iyong aksiyon na ginagawa ng LTFRB para daw po pag-aralan itong proposal na ito?
LTFRB ATTY. TAMAYO: Tama ho kayo, mayroon hong pending hong petisyon ang TNVS po sa fare adjustment din po dulot na rin ho ng pagtaas ng krudo. Nagkaroon na ho ng hearing ang board patungkol po diyan, at kagaya rin ho ng petisyon ng ating mga jeepney operators at drivers ay ito po ay kinoordinate din po natin sa NEDA para mapag-aralan din ho ito dahil nga po ang usapin ho ng usapin ay nakakaapekto rin po sa mga ibang bilihin.
So sa ngayon ho, nag-hearing na po iyan at hintayin na lang po natin kung ano po iyong magiging resolusyon po ng ating board sa kanila pong petisyon.
USEC. IGNACIO: Attorney, naging kapansin-pansin po iyong siksikan ng public transportation dahil sa pagpapatupad ng Alert Level 1 dito sa Metro Manila. Ito po ba ay, sabi nga, bahagi ng new normal o babantayan pa rin po ninyo iyong physical distancing lalo sa mga bus at tren na may standing passengers? Pinapayagan na po ba ito?
LTFRB ATTY. TAMAYO: Sa train po, sa rail sector po iyan. Pero sa road po, iyong public transportation po sa road sector, binabantayan po natin iyan at patuloy ho ang panawagan natin na sa ilalim po ng Alert Level 1, 100% pong itinaas pero ito po ay limited lang po sa seating capacity. So 100% seating capacity po ang pinag-uusapan natin sa ilalim po ng Alert Level 1. Bawal po ang standing na pasahero.
USEC. IGNACIO: Opo. Attorney? Okay, babalikan po natin si Attorney Tamayo maya-maya lamang. Balikan po natin mamaya-maya lamang si Attorney Tamayo.
Samantala, base po sa tala ng Department of Health, one thousand sixty-seven (1,067) ang mga nadagdag sa COVID-19 cases sa Pilipinas, mas mataas kumpara sa 951 new cases noong Lunes. Dahil dito ay umakyat sa three million six hundred sixty-three thousand fifty-nine (3,663,059) ang bilang ng lahat ng mga nahawaan sa bansa. One thousand six hundred fifty-two naman ang mga bagong gumaling sa kabuuang bilang na three million five hundred fifty-five thousand sixteen (3,555,016) total recoveries. Walang naiulat na bagong nasawi kaya nanatili sa 56,451 ang total deaths. Dahil mas mataas pa rin ang bilang ng mga gumaling mula sa COVID, bumaba naman sa 51,592 ang active cases o katumbas ng 1.4% ng total cases sa Pilipinas.
Balikan na po natin si Attorney Zona Tamayo ng LTFRB. Attorney?
LTFRB ATTY. TAMAYO: Yes, Ma’am, iyong tungkol po doon sa pagpapatupad po natin ng Alert Level 1, pinapaalalahanan po natin na sa Alert Level 1 po ay 100% seating capacity po.
USEC. IGNACIO: Opo. Nawawala-wala po ulit ang inyong signal, Attorney. Babalikan po namin kayo maya-maya lamang.
Umabot na po sa isandaan at limampu (150) ang kabuuang bilang ng mga Malasakit Center sa bansa kasunod ng pagbubukas kahapon ng kauna-unahang Malasakit Center sa Batanes. Narito ang report:
[VTR]
USEC. IGNACIO: Balikan po muli natin si Attorney Zona Tamayo ng LTFRB. Attorney?
LTFRB ATTY. TAMAYO: Ma’am, pasensiya na. So doon sa Alert Level 1 po, pinapaalalahanan po natin na tayo po ay nasa pandemya pa rin ho ‘no, kaya lang binababa ang ating alert level pero 100% po seating capacity po ito. So bawal po ang mga standing na passengers; seating po dapat po lahat. At ganoon din po, pinapaalalahanan po natin na patuloy pa rin po ang paggamit natin ng face mask at iyong iba pa hong mga basic health protocols, disinfection po sa mga sasakyan ay patuloy pa rin po iyan. At sa mga susunod na araw po ay ang ating mga enforcers po ay mag-i-inspect pa rin ho on the ground para ho masiguro po na iyong ating existing health protocols po kahit 100% na po ang seating capacity ng ating mga pampublikong sasakyan ay ma-observe pa rin po.
USEC. IGNACIO: Isunod ko na lang po iyong tanong ni Janice Ingente ng UNTV: What will be the penalty po sa mga PUVs na lalabag pa rin sa policy, katulad nang pagpayag ng tayuan at iba pa po?
LTFRB ATTY. TAMAYO: Ma’am, kagaya po ng parati pa rin nating sinasabi ‘no, sa panahon po ng pandemya, ayaw ho talaga natin na mapatawan po ng penalties po ang ating mga operators at drivers po, kaya patuloy nga po ang ating adbokasiya na paalalahanan po, both passengers po at ang ating mga drivers to observe po iyong ating umiiral na health protocols at iyon pong 100% seating capacity lang po.
Sakali naman po na mayroon hong hindi tumupad, siyempre po ipapatawag po natin iyan at ipapatupad po natin ang ating umiiral na penalties po na nasa limanlibo (5,000) po for the first offense. But of course po, sabi ko nga ho, ayaw ho natin na mag-boil sa pag-i-impose po ng penalties dahil nga po pandemya pa ho tayo ngayon, tumataas ho ang krudo, so ayaw naman ho natin na patawan pa ng penalties po.
Kaya ho patuloy ho tayong nananawagan sa ating mga drivers na sumunod po sa mga pinaiiral po nating polisiya po lalo na po dito sa ating mga basic health protocols po.
USEC. IGNACIO: Opo. Attorney, paano naman daw po nasisigurong nasusunod nga iyong lower seating capacity sa mga pampublikong sasakyan na bumibiyahe sa dalawang lugar na mayroon pong magkaibang alert level? May mga checkpoints po bang ipatutupad para dito?
LTFRB ATTY. TAMAYO: Mayroon ho. Ang ating mga regional offices din po nationwide ay gumagawa rin po ng respective enforcement at monitoring operations po. Nakikipag-ugnayan din ho tayo sa mga concerned LGUs po para ho tayo ay matulungan din na ma-ensure po itong pagpapatupad po ng ating mga health protocols at iyong atin hong passenger capacity allowed po, depende sa alert level nga po lalo sa mga medyo mahahaba hong mga biyahe.
USEC. IGNACIO: Attorney, hindi po ba napag-uusapang ibalik itong ‘No Vaccine No Ride’ policy lalo’t niri-require po ng pamahalaan ito pong proof of vaccination para makapasok sa mga establishment na nasa Alert Level 1?
LTFRB NCR DIRECTOR TAMAYO: Mayroon hong pag-uusap tungkol nga po diyan sa polisiya po ng No Vaccine No Ride’ policy, pero sa ngayon po wala pa hong definite po na guidelines po na ipinapatupad po sa ngayon.
Pinag-aaralan ho, we’re trying to weigh things din po ‘no regarding diyan sa polisiya at naghihintay po kami sa LTFRB kung ano po ang magiging guidelines ng DOTr at ng IATF po patungkol dito.
USEC. IGNACIO: Tanong naman po mula sa ating kasamahan sa media na si Karen Villanda ng PTV: Noon pong kasagsagan ng pandemic, hindi na po pinadaan sa EDSA itong mga provincial bus. Ngayong Alert Level 1 na, humihiling na daw po itong mga provincial bus mula sa norte na payagan na sila at payagan nang gamitin ang kanilang terminal sa may Cubao, may plano na po ba ang DOTr dito o LTFRB?
LTFRB NCR DIRECTOR TAMAYO: Gusto lang ho naming i-clarify po na mayroon hong umiiral po ngayong IATF Resolution na inisyu pa previously kung saan po ang mga provincial buses ay mayroon hong directive or may guidelines po na gamitin po ang ating mga identified integrated terminals ayon po sa polisiya po ng DOTr. So ngayon po, iyon pa rin po muna ang ating ipinatutupad alinsunod nga po dito sa IATF Resolution.
USEC. IGNACIO: Maraming salamat sa inyong panahon, Attorney Zona Tamayo mula po sa LTFRB NCR.
LTFRB NCR DIRECTOR TAMAYO: Salamat din po sa pagkakataon. Magandang hapon po!
USEC. IGNACIO: Samantala, narito naman po ang latest na pangyayari sa Cordillera Region, ihahatid sa atin ni Alah Sungduan ng PTV Cordillera.
[NEWS REPORT]
USEC. IGNACIO: Makibalita naman tayo sa pinakahuling impormasyon tungkol sa COVID-19 vaccination sa bansa, makakausap natin si USec. Myrna Cabotaje, ang chairperson ng National Vaccination Operations Center. Good morning po, USec.
DOH USEC. CABOTAJE: Good morning, USec. Rocky, at sa lahat ng nanunood sa programang Laging Handa ngayong umaga.
USEC. IGNACIO: Mas mapapaigting pa ba iyong bakunahan sa Pilipinas ngayong nasa Alert Level 1 na ang ilang lugar kabilang na po ang Metro Manila?
DOH USEC. CABOTAJE: Yes, mapapaigting natin sa pamamagitan ng paggawa ng ating house-to-house, iyong ating sinasabi na ‘suyod’ ‘no. Hindi lang iyong bakuna ang dadalhin gagawin sa mga bahay-bahay kung hindi pati iyong ating mga information ‘no. Mayroon tayong mga social mobilization kasi nga ngayon hindi na masyadong—iyong alert level bumaba na, so, we will allow more face-to-face communication.
USEC. IGNACIO: Opo. USec., kasado na rin ba iyong pinaplanong ‘Bayanihan Bakunahan’ sa susunod na Lunes, sa March 7?
DOH USEC. CABOTAJE: USec. Rocky, ang tentative date natin ay March 10, so that will be a Thursday, Friday and Sabado ang ating Bayanihan Bakunahan NVD (National Vaccination Day) Part 4. Ang ating tema ay “March to Vaccinate,” kasi dadalhin natin sa mga bahay-bahay at saka sa mga workplace ang ating bakuna.
USEC. IGNACIO: USec., sa ngayon ba nakikita o nagri-reflect na iyong resulta ng ginagawang house-to-house vaccination, mobile vaccination at iba pa pong paraan para po makumbinsi iyong iba pa nating kababayan na magpabakuna na?
DOH USEC. CABOTAJE: Yes. Kitang-kita iyan sa Region 1 at saka Region 2, mataas iyong kanilang NVD 3 pati iyong kanilang 70% vaccination rate at saka iyong kanilang A2. Sa buong Region 1, all the provinces and cities have achieved their target. Even Region 2, medyo sumabit lang nang kaunti Nueva Vizcaya kasi mababa iyong kaniyang vaccination rate. Many of the other municipalities also nakikita na iyan, iyong mga nagsusuyod, iyong mga nagha-house-to-house.
USEC. IGNACIO: Opo. USec., pero anu-ano pang mga o may mga regions ba o lalawigan na puwede pa rin nating ikonsidera sa Alert Level 1 kung mas mapapataas pa iyong ating vaccination rate?
DOH USEC. CABOTAJE: Yes, like I mentioned ‘no, Nueva Vizcaya okay iyong kaniyang A2 pero iyong kaniyang vaccination rate na 17 hindi pa niya naa-achieve. Sa Region VI, okay iyong kaniyang 70% vaccination rate pero iyong kaniyang A2, 73.
So, may mga ganoon, mga areas na puwede nating i-push pa nang kaunti and we hope the NVD 4 and the other strategies hanggang March will help them push these parameters.
USEC. IGNACIO: Sunod ko na lang po iyong tanong ng ating kasamahan sa media mula po po kay Vivienne Gulla ng ABS-CBN: Ilan po ang eligible for booster sa bansa na hindi pa nagpapaturok nito? Ano po ang dahilan kung bakit may mga hesitant pa ring magpa-booster? At ano daw po iyong hakbang na gagawin para mapabilis ang rollout ng booster shots?
DOH USEC. CABOTAJE: Iyon ating data ay about 36.7 million ang due for boosters ‘no. Ang ating na-booster ay ten million, so mga 1/3 lang.
Ano ang dahilan? Iyong iba, nag-iisip kung kailangan ng booster, iyong iba naman, they don’t see the urgency of the booster.
Ano ang gagawin natin? Pupunta tayo sa mga workplaces, iyong ating mga health care workers dapat ma-booster, iyon ang paiigtingin natin. Iyong ating mga workplaces, iyong ating mga ecozones, iyong ating national government agencies, doon tayo magfo-focus para mabigyan sila ng mga boosters, iyong mga economic frontliners natin.
USEC. IGNACIO: Dagdag pong tanong ni Vivienne Gulla ng ABS-CBN: May COVID vaccines na po ba na nag-expire or due to expire soon at ilan daw po ito?
DOH USEC. CABOTAJE: Yes, there are COVID-19 vaccines that are about to expire or nag-expire na kasi short iyong kaniyang shelf life. These are aggregation of donations tapos iyong prinocure [procured] ng national government, iyong prinocure ng local government at saka iyong prinocure ng private sector.
We are still verifying and validating the numbers kasi iyong iba, we have requested for extension of shelf life. So, as soon as we are ready and tapos na iyong ating mga validation, we will be ready on mga developments, we will be ready to issue the final numbers.
USEC. IGNACIO: Opo. Kumusta po daw iyong bakunahan sa mga batang five to eighteen years old o iyong nasa school age? Posible po kayang i-require na rin na fully vaccinated ang bata bago po sila payagang maka-attend ng face-to-face classes?
DOH USEC. CABOTAJE: Maganda ang ating response ng twelve to seventeen at saka five to eleven. Sa twelve to seventeen, we started mga November yata or later, naka-66% na tayo na fully vaccinated. That means 8.4 out of 12 million ay fully vaccinated na.
Dito sa ating five to eleven ay 736,000 pa lang ang nababakunahan natin ng five to eleven. We are constrained by supply issues kasi mga 2.1 million pa lang ang doses na dumating, kalahati noon ay inireserba for second dose.
And we’re expecting today or tomorrow, March 2 and March 3, another 1.6 million doses lang ng ating Pfizer for five to eleven. So, medyo dependent talaga sa supply na dadating na bakuna for five to eleven.
USEC. IGNACIO: Opo. USec., kuhanin ko lang mensahe ninyo. Paalala sa ating mga kababayan doon sa hindi pa po nagpapabakuna at booster shots.
DOH USEC. CABOTAJE: Bago iyon, paalala, allow me kasi isang taon na po tayong nagbabakuna since March last year, pasalamatan ko po lahat ng ating mga frontliners na 24/7 at isang taon nang nagbabakuna. Iyong ating lahat ng ating public, private and government sectors who are helping us. Nakita naman ninyo iyong sidhi ng kanilang serbisyo, so huwag na pong mag-atabuli. Iyong mga hindi pa nabakunahan ng first dose, pumunta na kayo sa health center at iyong mga second dose, para ma-fully vaccinate.
Tapos kung iyong mga tapos na iyong mga second dose ninyo, please go to your bakuna center for your booster doses. Importante po iyan, kasi pababa na po iyong ating vaccine efficacy at nakakatulong iyan para mas mabilis na mabuksan iyong ating ekonomiya. Maraming salamat, Usec. Rocky.
USEC. IGNACIO: Opo. Usec. May pahabol lang pong tanong si Jo Montemayor ng Malaya: Kailan daw po iyong booster ng eleven to seventeen (11-17) years old?
USEC. CABOTAJE: Wala pang polisiya, pero tinitingnan natin iyan. So, hanggang ngayon wala pang below 18 years old, wala pa pong booster.
USEC. IGNACIO: Okay. Maraming salamat po, Undersecretary Myrna Cabotaje ng Department of Health.
USEC. CABOTAJE: Thank you. Good morning.
USEC. IGNACIO: Sa pagluluwag ng maraming establishment sa new normal, marami na ring nagtatanong kung malapit na rin bang ibalik at palawigin pa sa lahat ng paaralan sa Alert Level 1 ang limited face-to-face classes. Para alamin ang plano ng pamahalaan tungkol diyan, makakausap po natin mula sa Department of Education sina Secretary Leonor Briones, Undersecretary Ann Sevilla, Undersecretary Wilfredo Cabral at si Assistant Secretary Malcolm Garcia. Good morning po sa inyong lahat.
SEC. BRIONES: Good morning, Rocky. Magandang balita ang ibabahagi natin sa ating mga constituents. As early as February 22, inumpisahan na natin iyong progressive expansion, kasi may mga local government naman tayo, may mga eskuwelahan naman tayo na sa Levels 1 and 2 na pinapayagan nating mag-umpisa na ng face-to-face. So, hindi sasabihin na ngayon lang tayo mag-umpisa ng face-to-face. Pinayagan tayo ng Presidente, February 22 in full cooperation with the Department of Health na umpisahan na iyong expansion. Ngayon na tayo ay nasa Level 1 na, lalo na ang NCR inaasahan naming mas marami pang eskuwelahan ang ating mabubuksan sa face-to-face.
Una, iyong sa ating bilang ay 6,213 na schools ang ready, kasi may mga criteria tayo. Una, kailangan papayag ang local governments, kasi sa teritoryo nila natin gagawin iyong face-to-face. Secondly, may written consent ang mga parents. Thirdly, of course, we have to comply with the Department of Health Protocols, mahalagang-mahalaga iyan. And fourthly, iyong facilities mismo ng Department 0f Education ay friendly towards face-to-face. So, itong mga bagay na ito helps determine the schools na ready, which is 6,213. As of today, March 1 ay 4,295 schools na ang nag-umpisa ng face-to-face o iyong pabiro nating tawag na fez-to-fez.
So, the progressive face-to-face and blended learning, as part of blended learning has already started as early as February. And we are anticipating na lalong dadami ang mga schools na sasali dahil pagpasok ng NCR, malaking bulto ng mga eskuwelahan iyan at saka mga other places na halos lahat ngayon ay nasa Levels 1 and 2 na. Mukhang wala kaming nakikita na reason na hindi i-implement.
Pero iyong actual format na pag-implement ng face-to-face, depende sa sitwasyon ng respective schools. Doon papasok ang mga desisyon ng ating regional directors, ang ating superintendents at depende sa sitwasyon, dahil mayroong hindi maka-fulfill sa apat natin na mga conditions or requirements. At saka mayroong mga parents na hesitant pa rin, pero ito ay pakaunti nang pakaunti dahil marami na talagang gustong-gusto na ang ating blended learning, may papel talaga ang face-to-face.
Gusto ko lang, Rocky, i-emphasize na hindi ibig sabihin na ngayong magpo-progressive face-to-face tayo, iiwanan na natin iyong konsepto ng blended learning. Kailangan pa rin ang online, hindi iyong dati nating nakasanayan na the whole day, iyong teacher nakaharap sa mga bata. So, mayroon pa ring blended component, dahil paglabas ng ating mga bata, magtatrabaho na sila o mag-aaral pa sila further on. Eh talagang laganap na ang digital, laganap na ang technology, laganap na ang science and mathematics.
Kaya hahabol din tayo sa technology, sa digital but paulit-ulit ko, Rocky, na sinasabi at sinabi ko rin ito sa Cabinet meeting at saka sa briefing para kay Presidente na iyong mga bata, hindi natin sila i-allow na makalimot na sila ay Pilipino. Hindi sila robot. Hindi sila techie lamang, pero kailangang aware sila, conscious sila na mayroon tayong history, mayroon tayong kultura at ang technology, makatulong dito.
So, tuluy-tuloy ang ating pag-progressive expansion, dumadami, as I said 4,295 schools na ang nag-face-to-face. Sixty-six (66) private schools ang nagpa-participate dito. At sa tingin namin, every day may mga bagong eskuwelahan na papasok, may mga local governments na talagang all out na silang tutulong. Of course, in cooperation kami with the Department of Health and the parents themselves. Salamat, Rocky.
USEC. IGNACIO: Secretary, kailan po ba inaasahang mailalabas iyong final guidelines para sa face-to-face classes under Alert Level 1? Katulad nga po ng nabanggit ninyo, iyon pong posibilidad na talagang lahat po kaya ng paaralan ay mapayagan na?
SEC. BRIONES: Mayroon naman tayong guidelines already for Alert Levels 1 and 2. At saka iyong 1 and 2 halos, magkapareho ang kanilang situation, ang 3 ang talagang iniiwasan natin na hindi tayo pumapayag. So, the guidelines are there, pero iyong actual implementation, Rocky is shaped by the actual situation naman sa mga eskuwelahan, kasi tinitingnan natin iyong facilities namin, tinitingnan kung may tubig ba. Theoretically, dapat may tubig para sa mga bata. At saka kailangan nandiyan all the time ang local governments na tutulong kung sakaling mayroong mga complications, etcetera.
So, ang mga eskuwelahan mismo, hindi pare-pareho lahat. Pero may general guidelines tayo na matagal na natin iyang hinanda with the cooperation and the approval of the Department of Health and of course, the cooperation of the local governments. Nandiyan na iyong guidelines natin. Kasi ang one and two, halos magka-overlap sila, iyong Alert Levels 1 and 2. Ang medyo iniiwasan natin, pero mukhang, ewan ko kung mayroon pang alert level assessment na three, iyon ang iniiwasan natin. Pero 1 and 2, pinapayagan na talaga natin. So, iyon ang situation.
USEC. IGNACIO: Opo. Ulitin lang po natin. Ito pong sa 6,000 plus ninyong nabanggit na mga paaralan na handa na mag-face-to-face classes. Ilan po sa kanila iyong nakakumpleto na ng requirements at talagang may green light na po ng Department of Education?
SEC. BRIONES: Uulitin ko, Rocky, out of the 6,213 ay 4,295 na ang nasa combination of face-to-face at saka blended learning. Hindi natin iniiwanan ang blended learning dahil kailangan din nating ituturo sa ating mga bata ang online, ang technology, ang science, etcetera. Ituturo din natin iyan, pero mahalaga din ang face-to-face. So, hindi na iyong kagaya noong unang panahon na mostly face-to-face. Pero ito ngayon, hindi natin bibitiwan ang digital technology, ang science, ang mathematics and so on but mayroon talagang face-to-face component dahil mahalaga iyan sa pag-socialize ng bata. Mahalaga iyan sa pagturo ng bata pareho silang importante para tayo makahabol and we will be at par with the other countries of the world.
USEC. IGNACIO: Secretary, isunod ko na po iyong tanong ni Victoria Tulad ng GMA News: Ilang student lang po ang allowed sa face-to-face classes under Alert Level 1 and when do we see na babalik po 100% attendance?
DEPED SEC. BRIONES: Iyong sinasabi namin kanina we’re looking forward to 100% attendance whether it is blended, whether it is online, whether it is face-to-face.
Kasi iyon ang konsepto ng blended learning, kung anong uubra, iyon ang gagawin at the field level kaya malaki iyong decision making at the level of the schools themselves para magkaiba. So iyong sabihin natin na kailan, ina-apply na iyan ngayon. We already have 4,295 schools, nung nag-umpisa ay kami mga 800 schools ang ano inumpisahan namin ngayon 4,295 at saka daily nagbabago iyong mga numero, kasi ‘pag kapag handa ang isang local government, ready sila to support, kung handa ang mga parents, ready sila.
Kung sabi ni ano ni Department of Health, go, go, go! Go, go, go tayo. So tina-target natin we started February 22 pa and thanks to the President who gave us the discretion and responsibility to determine kung kailan natin umpisahan.
So to correct the notion na ngayon lang tayo mag-umpisa ng face-to-face, we’d like to say February 22 pa inumpisahan na natin with the approval of the President in various schools na level 1 at saka 2; ang three ang iniiwasan natin. Pero ngayon mukhang wala na ‘kong… wala na tayong masyadong marami, kung mayroon man na level 3 assessment na mga lugar.
USEC. IGNACIO: Opo. May pahabol lang pong tanong si Jona Villa Viray ng Asahi Manila. Ang tanong po niya sa inyo: Do you foresee schools going full face-to-face by next school year at least daw po sa National Capital Region?
DEPED SEC. BRIONES: Iyong tinatawag nating—if you mean full face-to-face na anim na oras, walong oras ang teacher at ang mga bata nagkakaharap, hindi iyan posibleng mangyayari. Lahat na bansa na binabantayan namin lalo na iyong mga bansa na bilib na bilib talaga tayo wala na iyong notion na sinasabi nating full face-to-face. May blended component talaga dahil pinaghahandaan natin iyong ating mga bata for technology, for science, for mathematics when they go out into the world.
Maraming ginagawa ngayon sa mundo sa pamamagitan ng technology kaya kailangan matuto din iyong mga bata natin sa dalawang approaches. Pero ang pinaka-framework namin and which I always remind our teachers is that dapat hindi nila kalimutan na sila ay Pilipino, hindi sila robot. Hindi puwede iyong robot teachers na iniisip ng ibang bansa na magkaroon ng robot teachers kasi mas madaling mag-ano.
At saka iyong paghanda nila sa mga careers nila ngayon ay may paraan tayo, mag-aral ka magiging doktor o magiging engineer. Ano iyong mga bagong jobs na naghihintay sa ating mga bata? Many of them will be online and so hindi natin bibitiwan ang online. Lahat ng mga bansa sa Southeast Asia na binabantayan namin sinasabi nilang face-to-face sila pero component lang iyan ng blended learning nila, mayroon talaga silang online at saka isa ding iniiwasan natin and I’m glad that question is being raised.
I like the question: Is that at the most gusto nating i-encourage kung mayroong face-to-face, gusto natin half day. Kalahating araw kasi ‘pag buong araw ang bata nandoon sa eskuwelahan, e di kakain iyan doon at iniiwasan natin na kakain sa school ang bata dahil you also increase the risk of food service, mga baon and so on and so forth.
So ang variation na ginagawa natin is determined by the situation in the school, but face-to-face is here, face-to-face is part of blended learning. We are not giving up blended learning but we are emphasizing as well the importance of face-to-face within the framework of consciousness as Filipinos and having our own culture, our own history and our sense of identity. Thank you.
USEC. IGNACIO: Dagdag pong tanong ni Victoria Tulad ng GMA News: Ano po ang challenges na nakikita sa face-to-face classes and how are the schools and DepEd addressing these? Handa na daw po ba ang mga paaralan?
DEPED SEC. BRIONES: Magandang tanong iyan, Rocky. Ano iyong challenges? Itong mga challenges na ito ay masasabi nating hindi naman impossible to solve in terms of facilities for example. In in terms of halimbawa, you have how many thousand local and government officials? You have one or two who are hesitant suddenly because there are new numbers, so iyan, mahaharap iyan. You have the reactions of the students themselves. Nahirapan silang makarinig dahil naka-face mask sila. Ang mga learners kailangan mas sanay sila na hindi ikot nang ikot, pasyal nang pasyal inside the classroom. At saka kung halimbawa i-encourage sila na pauwiin na sila sa kanilang bahay, uuwi na at hindi pupunta sa ibang lugar. Pero these are not impossible.
Nag-survey kami, Rocky. Sinurvey namin after the pilot, remember somewhere very critical bakit mag-pilot-pilot pa? Ang resulta sa pilot, tinanong namin ang learners kung ano ang mga challenges nila, tinanong namin ang teachers, tinanong namin ang local governments and most of all tinanong namin ang parents at saka napakataas ng lebel ng satisfaction sa pag-reintroduce natin ng face-to-face.
Nandito sila Usec. Anne. Nagdadagdag din kami ng resources, Rocky, Usec. Rocky. In addition to the regular budgets nandito si Usec Anne, she can confirm that we are spending P1-B more to strengthen the progressive expansion para sa mga schools.
Sige nga paki-share nga Usec. Anne, ng balita.
DEPED USEC. SEVILLA: Magandang hapon po Secretary Liling, Usec. Rocky sa mga nanunood. Kami po ay naghanda na ng pondo para sa pag-prepare natin ng ating progressive expansion face-to-face. In fact, na-meet na po natin ang mga regional directors
.
Marami po sa mga pondo na atin pong pinaghahandaan ay iyong pong physical arrangements ng eskuwelahan – iyon pong protection and safety ng mga learners at mga guro at siyempre po iyong mga learning resources na kailangan natin.
[garbled] na tuluy-tuloy po ang ating paggawa ng [garbled] blended learning pa rin po tayo. Ang kagandahan lang po na ibabalik ang face-to-face ay matsi-check na po ng mga guro ang progreso or progress ng ating mga learners habang ginagawa nila iyong kanilang mga modules at iyon pong pag-shift naman natin sa online learning at nakikita ninyo po ngayon sa ating telebisyon, makikita ninyo po na iba na po ang hitsura ng classroom ngayon at iba na rin po iyong paraan ng pagtuturo ng ating mga guro at ito po ang mga gastos or budget na atin pong pinaghahandaan. At naisama ho iyan sa budget natin for 2022.
At ngayon po naggagawa na ho tayo ng [garbled] for 2023. At maganda hong news or balita na tayo po ay nasa level 1 na. Unti-unti na rin po nating maibabalik ang mga bata na gagamit ng mga facilities po natin na atin pong pinaghandaan. Maraming salamat po.
USEC. IGNACIO: Thank you, Usec. Sevilla.
Secretary, posible rin po bang i-require ng DepEd na fully vaccinated pati mga estudyante para payagan silang makapag-participate dito po sa face-to-face classes?
DEPED SEC. BRIONES: That’s really a beautiful question dahil the public paulit-ulit na tinatanong iyan. Ang existing policy natin ngayon, when we started last February 22 with the advice and consent of the Department of Health and their consultants is that alam naman natin na napakataas ng level ng resistance ng mga younger children at saka ang advice din ay mas kailangan ng mga bata, the younger children ang face-to-face no.
So iyong nag-umpisa tayo, we started with the younger children and also the senior high school na mayroon portion na face-to-face. So, ito iyong mga precaution na tine-take natin: Are we requiring our children to have vaccinations bago sila makapag-participate? Not necessarily, hindi required. It is voluntary kasi ang parents ang magdi-decide diyan but of course we will encourage them.
Pareho kami ng policy ng Department of Health but para sa amin, Rocky, this is important mandatory para sa Department of Education na iyong mga teachers kailangan na vaccinated sila.
Iyong hindi nagpapa-vaccine kung pupunta sila ng schools mag-submit ng mga report or etc. or they work at home, kailangan. Kagaya ngayon pupunta sa government office, kailangan magpa-RT-PCR ka o kung hindi, sa Manila iyong Antigen to be able to go into the premises.
Iyon ang mandatory namin para sa mga teachers at mga staff. Sa mga bata we are encouraging it kasi sa ating pilot, Rocky, with more than 15,000 students involved in the pilot nakita natin ni isa walang natamaan ng COVID na binabantayan natin ng husto.
So, mandatory for those who will go into our school premises for whatever they’re going to do. For those who are to work at home, ang outputs nila will be closely monitored. If they say, we will just stay at home kasi ayaw namin magpa-vaccine and work, ano ang magiging output nila at kailangan i-monitor iyan regularly, iyong mga outputs nila. And if they go to school, then just like any other public institution na pinupuntahan ng publiko ay kailangan either mag-PCR or mag-Antigen depending on the requirement.
So, ang impression ko, correct me Usec. Willie, na sa NCR ang alam ko ang allowed is the Antigen ‘no? Kasi nga, we have the experience iyong RT-PCR na mas matagal na maghihintay tayo sa resulta.
So, nandito si Usec. Willie, nandito rin si ASec. Malcolm para magbigay ng update particularly sa NCR. Of course, there is great interest in NCR because it is in a very real sense the heartbeat of the country with all of us being involved in it.
So, kung may additional kayo or if you want to correct whatever I have said, please feel free to do so. Pero iyon ang aking alam sa ating policy na ini-implement natin:
Mga bata, hindi mandatory but we are encouraging them because the pilot study should very clearly that they tend to have very high levels of resistance. But the teachers, like any citizen who goes to a public institution, they have of course, to show a negative result of COVID test – Antigen for NCR and for the other places perhaps an RT-PCR.
Sige Willie and Malcolm baka may bago. In the meantime, baka nag-move na naman ang numbers natin because practically every day our numbers are moving. Dumadami kasi ang sumasali. Sige Usec. Willie.
USEC. WILFREDO CABRAL: Yes Ma’am. Magandang hapon po sa lahat. Gusto po nating kumpirmahin ang sinabi ng ating Secretary that guidelines na inisyu ng ating kagawaran sa pagsali ng mga bata sa limited face-to-face sa expanded phase ay optional po iyong vaccination.
But hindi po ito nangangahulugan na iyong mga unvaccinated ay hindi pupuwedeng sumali pero iniri-require iyong mga requisites katulad ng parent’s consent at LGU concurrence at compliance doon sa [unclear] ay nasunod at hindi po ito magiging hadlang para doon sa mga bata na hindi pa bakunado. Sa mga guro, mahigpit din po iyong pagsasabi natin through the order of the Secretary na ang mga teachers na lalahok sa face-to-face ay dapat bakunado.
So, in terms of numbers patuloy po ang pagdami ng bilang ng mga eskuwelahan at mga estudyante na lumalahok dahil sa pagbaba ng NCR sa Alert Level 1 at ang requirements po natin for Alert Level 1 and Alert Level 2 is practically the same, hindi po siya nabago pero kung mayroon mang mga madagdag na guidelines probably to enhance, kung papaano pang mapapaayos o mami-meet natin iyong mga minor challenges na nabanggit kanina. Salamat po.
USEC. ROCKY IGNACIO: Secretary, may tanong lang po si Jena Balaoro ng GMA News: Maibabalik ba sa dating school opening na June by next year at kung may nagri-request po ba ng tuition hike?
SEC. LEONOR BRIONES: Siguro Usec., I can answer the question about the tuition hike. I am not aware right now, wala pang nakarating sa akin na request galing sa private schools na mag-tuition fee hike sila.
Kasi iyong actual experience kasi Rocky, sinabi na nga namin ito, na-report namin ito na medyo kitang-kita iyong migration from the private schools ng mga estudyante. Nagma-migrate sila sa public schools for whatever reason and some of it could be also financial.
So sa tingin ko, itong mga bagay na ito tinitimbang-timbang ng mga private schools. Wala pang nakarating sa akin na ganoong klaseng request lalo na galing sa NCR. Halimbawa, na-cite ko ito sa one of our press conferences, Rocky, na iyong isang journalist sabi niya ang pamilya niya ay nakatira sa Caloocan. Happy siya sa blended kasi iyong anak niya nag-aaral sa isang eskuwelahan na nasa Makati. Pero kung magkaroon nga ng face-to-face, ang laki ng financial obligation dahil ihahatid susunduin may pamasahe, may baon para makapunta doon sa eskuwelahan sa Makati.
So, mayroong ganoong mga situation. Palagay ko wini-weigh din ito ng private schools. So far, wala pang nakarating sa akin na ganoong klaseng request, but puwedeng makadagdag ng impormasyon si Usec. Anne tungkol dito, on the matter of tuition fee increase. Usec. Anne.
USEC. ANNE SEVILLA: Salamat po Secretary. Ang atin pong policy ngayon sa mga private school ay kung mag-i-increase sila ng tuition fee kailangan po dadaan ito sa isang consultation. Especially with our parents-teacher association at sa teachers’ association.
Kasi po ang increase could be ng mga private schools ay napupunta na rin naman po sa pagpapasuweldo ng kanilang mga teachers at facilities. 10% lang po, sakaling magkakaroon ng increase sa tuition ang dapat na mapupunta sa eskuwelahan. Ang ginawa po ng ating Kagawaran ay in-extend natin iyong deadline ng consultation, extended na po ito hanggang June 30 habang ang submission po ng application ng mga requirements ay hanggang August 15. Kaya po wala pa kayong natatanggap, Secretary Liling, ng mga request ay alam din po natin na dahil dito sa pandemya ay nagsusumikap po ang mga private school na makaahon.
Marami po sa kanila ay nagsara dahil lumipat ang mga enrollees from private to public. But in this present situation ay nagsusumikap din po tayo na maitaguyod iyong pangangailangan ng mga pribadong paaralan lalung-lalo na po iyong kasali sa ating programa na government assistance subsidies kung saan nagbibigay po tayo ng voucher program. Pang-financial na suporta sa mga estudyante na galing public school na lilipat po sa private school at iyan po iyong assistance na ibinibigay po natin sa kanila, voucher program.
At alam din po natin na kailangan din po natin makipag-dialogue sa mga private schools para po mabuo natin iyong solutions ng problema na kanila pong kinakaharap na dinulot po ng pandemya, iyon nga pong sinabi ninyo na migration ng mga estudyante from private to public.
But right now, we hope na babalik na po iyong iba sa ating mga private school. At inuulit po natin, kailangan po ng consultation, bago po magkaroon ng tuition fee increase ay kailangan ng consultation with the parents and the teachers, extended po iyan hanggang June 30 at iyong pag-submit ng request to increase the tuition fee ay extended hanggang August 15 at iyan po kailangan pong may dialogue between the parents and the school administration. Marami pong salamat.
USEC. IGNACIO: Maraming salamat po, Secretary Leonor Briones, Undersecretary Ann Sevilla, Undersecretary Wilfredo Cabral and Assistant Secretary Malcolm Garma, mula po sa Department of Education. Salamat po, Secretary.
SEC. BRIONES: Baka may dagdag si ASec. Garma ng mga bagong numero, as of this time, kasi ang binigay mong numero ay 4,295 na schools na, tapos 66 private schools. Pero the numbers are moving on a daily basis, because of the response of the local governments, the parents and the learners themselves. Ang parents importante, kasi ang isip kaagad iyong cost eh, iyong financial implication, kapag mag-blended ka o… whatever approach, Asec. Garma?
ASEC. GARMA: Yeah, magandang umaga po sa lahat. Ma’am as of press time, nagbago po agad iyong numero natin for the private schools, kung ilan na po iyong nagbukas as of March 1. So, ngayon po ay 76 na po, pumasok po iyong datos coming from Region I and Region VIII. So, far, Ma’am iyon lang iyong nagbago as of press time. Thank you.
USEC. IGNACIO: Assistant Secretary Garma, Secretary Briones, maraming salamat po. USec. Sevilla at kay USec. Cabral ng Department of Education, maraming salamat po sa inyo.
Samantala, dumako po tayo sa Malacañang para sa mahalagang anunsiyo ni Cabinet Secretary at Acting Presidential Spokesperson Karlo Nograles.
CABSEC. NOGRALES: The Palace joins the country and the entire world in praying for an early and peaceful resolution to the conflict in Ukraine. We reiterate the position of the Philippines that war benefits no one, and that it exacts a tragic, bloody toll on the lives of innocent men, women, and children in the areas of conflict.
The conflict in Ukraine has economic, trade, and human resource implications for our country and for our people. As we monitor the current situation, every Filipino has the right to know what the government is doing to prepare for any eventuality. President Rodrigo Roa Duterte has given assurances that mitigating measures and contingency plans will be in place as part of the government’s pro-active response to the conflict in Ukraine.
For this reason, the President convened yesterday, March 1, 2022, several members of his Cabinet, along with top officials of the Armed Forces of the Philippines (AFP) and the Philippine National Police (PNP), and other high-ranking officials, to discuss possible scenarios should the ongoing Russia-Ukraine conflict continue and escalate.
In this regard, the President has approved the recommendations of his Economic Team to strengthen our domestic economy, stabilize food prices, provide social protection, and explore diplomatic channels to help resolve the conflict.
As to food stability, the Chief Executive approved the recommendations of the Department of Agriculture (DA) to boost local food production. Kasama na rito ang pagpapataas ng produksyon ng pagkain sa pamamagitan ng pagpapatupad ng Plant, Plant, Plant Part Two, pagpapataas ng rice buffer stock na hindi bababa sa tatlumpung araw, pamamahagi ng tulong pinansiyal sa ating mga nagsasaka ng palay, at pagtugon sa tumataas na presyo ng abono o pataba, tulad ng pagbibigay ng fertilizer subsidy at market access through bilateral discussions sa fertilizer-producing countries.
Inaprubahan din ng Pangulo ang rekomendasyon ng Department of Agriculture (DA) sa pamamahagi ng fuel discount vouchers sa mga magsasaka at mga mangingisda bilang tugon sa tumataas na presyo ng langis, ang pagpapalago ng produksyon at pagpapaigting ng pananaliksik upang ibsan ang presyo ng feeds, at pagbibigay ng logistical support gaya ng food mobilization mula sa mga lalawigang mataas ang produksyon papunta sa mga siyudad sa pamamagitan ng Kadiwa ni Ani at Kita, pag-deploy ng Kadiwa mobile vans/trucks at subsidiya sa transportation cost ng mga pangunahing bilihin.
Kung kinakailangan, nakahanda ang pamahalaan na isakatuparan ang implementasyon ng Price Control Law.
We shall likewise continue talks with our partners and heighten negotiations with non-traditional partners to address threats to agricultural exports while improving our digital agricultural infrastructure and systems.
On the supply of oil, the President approved the recommendations of the Department of Energy (DOE) to implement the P2.5-B Pantawid Pasada, and P500-M fuel discount program for farmers and fisherfolk. The DOE will continue to monitor the sufficiency in supply and quality and will make sure there will be no short selling.
For the medium-term, we call on Congress to review the Oil Deregulation Law, particularly provisions on unbundling the price, and the inclusion of the minimum inventory requirements in the law, as well as giving the government intervention powers or authority to intervene when there is a spike and/or prolonged increase of prices of oil products.
Also, part of our medium-term measures are building of the strategic petroleum reserve infrastructure, ensuring Minimum Inventory Requirements (MIR) and advocating for energy conservation and efficiency.
The President further approved the recommendations of the Department of Trade and Industry (DTI) to accelerate renewable energy adoption, support investments in Utility Scale Battery Storage to maximize utilization of renewable energy sources, support investments in modern storage facilities for oil and grains to increase within-the-border holding capacity and empower the private sector to help in strategic stockpiling.
Meanwhile, the AFP and the PNP gave assurances that our troops, and our military and police assets stand ready, and that they have respective contingencies prepared for any developments.
In conclusion, we appeal for an immediate end to the unnecessary loss of life, and call on the states involved to forge an accord that can help prevent a conflagration that could engulf a world still struggling to recover from the COVID-19 pandemic.
The course of history and the fate of our world will be shaped by the decisions that will be made by its leaders. We are one in prayer, together with all peace-loving citizens, that they be guided by wisdom and a genuine desire to save lives, establish harmony among neighboring nations, and forge a just and lasting peace for humanity.
USEC. IGNACIO: Maraming salamat po, Secretary Karlo Nograles. Samantala, puntahan na natin ang mga balitang nakalap ng Philippine Broadcasting Service. Magbabalita si John Mogol mula sa PBS-Radyo Pilipinas:
[NEWS REPORT]
USEC. IGNACIO: Maraming salamat sa iyo John Mogol ng PBS-Radyo Pilipinas. Samantala, mahigit 100 paaralan sa Cebu nagsimula na ang face to face classes. Iyan ang balitang hatid ni John Aroa ng PTV Cebu:
[NEWS REPORT]
USEC. IGNACIO: Maraming salamat po sa ating mga partner agency para sa kanilang suporta sa ating programa at maging ang Kapisanan ng mga Brodkaster ng Pilipinas o KBP.
At dito na po nagtatapos ang ating programa sa araw na ito. Ako po si USec. Rocky Ignacio, hanggang bukas pong muli dito sa Public Briefing #LagingHandaPH.
##
—
News and Information Bureau-Data Processing Center
