RIVERA: Ano po ang comment ng Malacañang, specifically ni President Duterte dito sa findings ng 148 o may pakialam ba siya?
SEC. PANELO: Well, gaya na nga ng sinabi na noon pa, we will respect the decision of the court; kung ano iyong desisyon, susundin natin. But having said that, let me emphasize na iyong ruling ng korte – contrary to the excitement of Mr. Trillanes – ay pabor na pabor sa gobyerno, sapagka’t sabi ng hukuman, valid iyong proclamation declaring the grant of amnesty a nullity.
Now, iyong pinagsasaya niyang hindi nag-isyu ng warrant, peripheral lang iyon eh. Supposed to be dapat mayroon kasi sinabi mo na valid iyong grant, so automatically dapat ni-revive mo na kaagad iyong kaso. Pero ang hukuman, sabi niya, because of the principle of immutability ng judgment, wala na akong jurisdiction. Pero ang problema doon sa argumentong iyon, kung wala kayong jurisdiction eh bakit ninyo hinir (hear) ang kaso? Bakit ninyo pinabayaang magprisenta ng ebidensiya, mag-argumento sa loob ng hukuman? Sana ang ginawa ng hukuman, denied kaagad because of lack of jurisdiction.
RIVERA: To begin with. Oo, bakit pinaasa pa ‘di ba?
SEC. PANELO: Hindi lang pinaasa, mali nga iyong argumento niya na wala siyang jurisdiction. Nag-assume nga siya ng jurisdiction eh.
RIVERA: Impliedly.
SEC. PANELO: At saka magiging inconsistent ka kapag sinabi mo iyong proclamation ay valid tapos hindi mo ire-revive ang kaso – may problema ka doon.
LOS BAÑOS: So, Secretary, si Maeann po ito. So maganda iyong reading ninyo ‘no, ang ganda ng pagkabasa ninyo doon sa naging decision. So tingin ninyo, ito iyong malaking butas doon sa desisyon ni Judge Soriano na puwedeng-puwede ninyo hong ibangga pagdating sa Korte Suprema?
SEC. PANELO: Definitely. Eh nagru-ruling ka na valid ang proclamation eh. Iyong dismissal ay based on the grant of amnesty, eh wala naman palang na-grant na amnesty, eh bakit hindi pupuwedeng ituloy ang kaso.
FALCIS: Atty. Sal, hindi po na-find or nagkaroon ng factual finding din si Judge Soriano na nagkaroon nga po ng application so iyong basehan daw po na—so valid daw po iyong power ni President Duterte or ng any president to revoke amnesties, iyon po yata ang sinabi niya. Pero dahil po sa particular case ni Trillanes na ang basehan ay hindi raw nag-apply, hindi nag-admit ng guilt, noong narinig siya ng ebidensiya, nakita niya na mayroon namang application, mayroon namang admission of guilt so hindi raw puwedeng arestuhin si Trillanes.
SEC. PANELO: Mayroong application, pero ang tanong: Did he comply with the mandatory requirement of the law?
Ano ba iyong requirement? One, maliban pa doon sa nag-apply ka under oath, kailangan mayroon kang narrative. Nakalagay iyan doon sa form. It should be accompanied by a narrative of your participation doon sa crime charged against you. Eh wala naman noon; wala naman siyang naipakita.
RIVERA: Of course, naging curious ako, sir. Kasi maraming mga Duterte supporters na talagang nagagalit dahil—kasi marami talaga sa kanila ay inis na inis kay Trillanes na all they just want is to have him imprisoned. May dahilan ba silang magalit or hindi pa tapos ang laban at hindi pa dapat na ma-beast mode tayong lahat ngayon?
SEC. PANELO: Na-delay lang iyong kaniyang pagpapakulong.
RIVERA: Ang akin lang, sir, ako personally, is Senator Trillanes still a political threat to the government, sa tingin ninyo?
SEC. PANELO: He never was a political threat.
FALCIS: Ang galing talagang sumagot ni Atty. Sal.
LOS BAÑOS: Short and sweet.
RIVERA: Of course, ano iyong plano ng gobyerno, sir, if you know, kung ano iyong mga susunod na hakbang?
SEC. PANELO: Kausap ko si SolGen, a-appeal siya sa Court of Appeals.
RIVERA: Pero there’s an existing petition in the Supreme Court. Hindi na ba kayo didiretso ng Supreme Court? Dadaan po muna siya sa Court of Appeals or—
SEC. PANELO: Hindi, CA muna.
RIVERA: CA muna. But anyway, sige po, thank you po.
FALCIS: Thank you for your time as always, sir.
RIVERA: Yes, sir, our very fashionable Presidential Spokesperson and Chief Presidential Legal Counsel Atty. Sal Panelo. Mabuhay po kayo and have a nice day.
###
SOURCE: PCOO – NIB (News and Information Bureau)
