GULAPA: Sec., magandang umaga po.
SEC. ANDANAR: Good morning. Good morning, Guwapo. Good morning sa lahat ng nakikinig sa inyo, sa programa dito sa DZBB, Merry Christmas po.
GULAPA: Merry Christmas. Sec., ano po iyong utos ng Pangulo, destroy daw – pagpatay sa mga rebeldeng komunista?
SEC. ANDANAR: Mayroon tayong bagong task force against the communists dito sa ating bansa at ito nga po ay binuo nitong buwan at si Pangulo mismo ang chairman nito. Ang rational kasi dito ay 50 years na kasing nakikipaglaban itong CPP-NPA-NDF sa ating gobyerno at wala namang magandang nangyayari sa 50 years kung hindi patayan lang, sundalo ang namamatay, rebelde ang namamatay, naapektuhan ang taong bayan. The President came in 2016, extended a peaceful hand, eh kaso itong ibinigay ni Presidente na opportunity na para mag-usap na nga itong gobyerno at CPP-NPA-NDF ay parang niloloko lang tayo ng kabilang kampo.
Ganoon po ang naramdaman ng gobyerno sapagkat kahit na mayroon ng peace talks ay tuloy pa rin ang pag-a-ambush sa mga sundalo, sa mga pulis at patuloy pa rin po ang pagkokolekta ng revolutionary taxes. So apart from that, kahit na nag extend na ng [unclear] iyong ating mahal na Pangulo at kahit na marami na pong in-appoint na mga miyembro ng CPP-NPA-NDF sa gabinete ay parang hindi naman sinsero ang kabilang kampo, kaya nga ngayon ay nagkaroon tayo ng task force against insurgency. So kung sasabihin po ng Presidente iyan ay kung ano ang sasabihin ni Presidente, iyan po ang polisiya ng ating gobyerno.
GULAPA: Ang sabi niya dito, “Law and order means you have to destroy, not really fight but destroy the Communist party of the Philippines including its legal fronts and infrastructure,’ ano iyong mga legal fronts?
SEC. ANDANAR: Lahat po ng mga fronts – be that the armed front, the military front ng NPA kahit na iyong mga kanilang legal front na mga party list, mga NGO, kasama po iyong mga pumupunta sa ating mga workplaces para mangalap ng miyembro – lahat po, lahat iyon, wala hong excuse dito.
GULAPA: Paanong gagawin dito sa mga legal front, Sec.?
SEC. ANDANAR: Well, kung kasama po iyong—kunwari, mangangampanya po iyong mga kalaban natin sa 2019, may mga party list sila ‘di ba? Eh ‘di ibig sabihin huwag nating iboto, oo ganoon.
GULAPA: Okay, sige. Ano ang naging reaksiyon na ng Pangulo tungkol dito sa pagpatay kay Batocabe kahapon kasama iyong kaniyang bodyguard?
SEC. ANDANAR: Hindi pa kami nag-uusap ni Presidente about it but then again, pagdating po sa mga ganiyang klaseng assassination, extrajudicial killing, hindi po polisiya ng ating gobyerno iyan. At talagang nakakalungkot na mayroong isang party list member na pinatay diyan po sa may Bicol Region at alam naman po natin na si Congressman na siya po iyong isa sa mga leader ng mga party list na Congressman. In fact, I was supposed to meet them this week kasama po si Congressman Francisco Datol, isang Congressman ng Senior Citizen party list. Pero iyon nga ayon sa nangyari baka hindi na matuloy.
GULAPA: Kailan kayo naka-schedule na magkita sana?
SEC. ANDANAR: Next year po, next year after Christmas. Magkikita sana kami, may pag-uusapan sana kami kasi mayroon kaming agenda na kailangan ng tulong ng mga party list dito po sa Kongreso.
GULAPA: Itong pagkamatay niya kahapon ay wedding anniversary pala ng kaniyang misis?
SEC. ANDANAR: Naku, napakalungkot para sa pamilya. Tayo po ay nakikiramay sa pamilya ni Congressman at I guess—you know Christmas is really about giving, forgiving. Ang Pasko po ay isang pagkakataon, tayong lahat ay magmahalan; forgive those who are [unclear] and also to spread the spirit of Christmas by going to church, magpasalamat at buhay pa tayo at magsalu-salo sa hapag kainan para sa isang pamilya, pero nakakalungkot po para sa pamilya po ni Congressman, ay hindi na po mangyayari iyan. But rest assured that the full hand of the law and the government will be behind still and this will be investigated by the Philippine National Police.
GULAPA: Iyong mga may isang daang Kongresista daw na mga kasamahan niya nag-ambag ambag para makabuo ng 4 million reward.
SEC. ANDANAR: Oo umabot na nga ng 4 million, kahapon 3 million lang iyan eh. Eh ngayon ay umabot na ng ganiyang halaga, the entire Executive branch – we sympathized with the family and we assure the family that the Department of Justice, NBI lahat po ng mga agencies na puwede pong tumulong para mahuli po iyong salarin ay gagawin po natin at o-orderan po natin na tulungan po ang pamilya to give justice.
GULAPA: Good news naman, may binabanggit ka na mga nangungunang pinakamagandang nangyari ngayong 2018 itong pagkakabalik ng kampana ng Balangiga at iyong pagkakapanalo ni Catriona Gray. May pangatlo ka pa ba?
SEC. ANDANAR: Well, gusto ko lang pong banggitin iyong balita mula po sa Reporters Without Borders na after 9 years ho na nandoon tayo sa most dangerous country for journalist sa listahan, ay ngayon po ay wala na po ang Pilipinas. Ang naglabas po ng balita, 4 to 5 days ago, ang Reporters Without Borders na iyong Top 5 ay wala na ho ang Pilipinas doon. And I would attribute this…
GULAPA: Sina Usec. Egco?
SEC. ANDANAR: Opo. Well, political will ni Pangulong Duterte dahil pinirmahan niya number one iyong AO Number 1, creating the Presidential Task Force on media security. Alam mo kapag binigyan mo ng security ang media man ay pinapalakas mo iyong nakasulat po sa Constitution na freedom of the press. Pangalawa ay kapag binigyan mo po ng more public access to information ang isang media man ay pinapalakas mo iyong right to information. So ito po iyong resulta ng Executive Order number two or freedom of information na pinirmahan po ni Presidente Duterte. So it’s really—the word of President Duterte and of course the hard work, follow-up ni Usec. Joel Egco na napakasipag at ni Asec. Kris Ablan, kaya iyan po ay good news para sa ating lahat.
GULAPA: So pahabol ito para sa pagtatapos ng taon, itong pagkawala natin sa Top 5, Sec.?
SEC. ANDANAR: Oo pagkawala po sa listahan mismo. Wala na sa Top 5, wala rin sa listahan.
GULAPA: Ah sa listahan wala na rin?
SEC. ANDANAR: Wala na rin, wala doon sa listahan, hindi nabanggit ang Pilipinas doon sa listahan ng Reporters Without Borders and kung matatandaan ninyo noong Oktubre ay naglabas din ng report ang CPJ or Committee to Protect Journalist, isang NGO na base sa New York at ang inilagay nila ay nag-improve na po ang Pilipinas sa impunity index. So talagang very consistent po iyong balita tungkol diyan; so sa Balangiga Bells, nauwi na; bumaba po iyong inflation; naiuwi din ni Catriona Gray iyong korona sa Miss Universe at ngayon naman ay wala na tayo sa listahan ng pinakadelikadong bansa para sa mga journo.
GULAPA: Dati ang samang tingnan, Sec., ka-level mo ang Afghanistan at saka Iraq.
SEC. ANDANAR: Napakasama, in fact we are continually communicating with the CPJ, tapos continually communicating with the Reporters’ Without Borders. Next year magandang balita, nag-usap kami ni Pareng Joel ay sabi ni Usec. Joel Egco ay ang UNESCO at ang Presidential Task Force on media security ay magkakaroon po ng team up para po sa mga report mula sa Pilipinas pagdating po sa impunity – report po sa media violence – para iyong nakakarating lang po na balita doon sa kanila ay totoong balita, iyong talagang may datos na galing po sa opisina ni Pareng Joel Egco. As a matter of fact, few weeks ago ay kinasuhan na po natin iyong salarin doon sa pagkapatay ni Mr. Llana at diyan din po sa Bicol. Joey Llana, iyong media man po na in-assassinate po diyan. So iyon po iyong advantage ng PTFoMS, kung mayroon pong media man na agrabyado ay puwede pong takbuhan, sumbungan, bago pa mangyari, iyong ayaw natin ay nape-preempt. At kung mayroon mang nangyari—
GULAPA: Iyon ang maganda doon eh ika nga preemptive measure.
SEC. ANDANAR: Eh ano iyan eh, sabi nga nila mas maganda iyong prevention kaysa cure.
GULAPA: Tama, tama.
SEC. ANDANAR: Hindi ba, iyon ang isang talagang dapat nating iiwasan? Parang sa katawan lang iyan eh, ‘di ba?
GULAPA: At saka kailangan daw kapag may natatanggap kang pagbabanta i-report mo na kaagad.
SEC. ANDANAR: An ounce of prevention is better than a pound of cure. Parang ano lang Guwapo, halimbawa ay may sakit ka, kung nararamdaman mo na magkakatrangkaso ka na—
GULAPA: Kailangan unahan na.
SEC. ANDANAR: Unahan mo na ng vitamin C ‘di ba?
GULAPA: Hindi iyong nakagawian natin na kung kailangang malala na saka tayo pupunta sa ospital.
SEC. ANDANAR: Mahirap iyon eh.
GULAPA: Maraming salamat sa panahon mo. Thank you ha.
SEC. ANDANAR: Maraming salamat, Guwapo at salamat sa DZBB sa malayang pamamahayag, very objective for the entire 2018 and I can only wish GMA and DZBB – ikaw, Gulapa, mga kasamahan diyan si Andoy at lahat po ng mga kasamahan nating mga broadcaster –all the best for 2019.
GULAPA: Merry Christmas and Happy New Year. Thank you po.
###
Source: PCOO-NIB (News and Information Bureau-Data Processing Center)
