Interview

Interview with Presidential Spokesperson Harry Roque by Gerry Baja and Anthony Taberna (Dos Por Dos – DZMM)

TABERNA: Secretary Harry Roque, Presidential Spokesman, sir. Magandang gabi po sa inyo.

SEC. ROQUE: Magandang gabi po sa inyo Anthony at Gerry at sa inyong mga milyong-milyong tagapanood at tagapakinig.

TABERNA: Noong nag-uumpisa tayo palima-lima lang ang nakikinig sa atin eh ngayon milyon-milyon na.

BAJA: First time mo bang makausap—

TABERNA: Oo first time.

BAJA: So first time nating makausap (overlapping voices) mula sa pagiging isang international law expert, naging—bilang isang professor—

TABERNA: Ang totoo niyan pinagbigyan lang namin si Maila eh.

BAJA: Noon.

TABERNA: Kaya naman namin kayong makausap niyan eh.

BAJA: Eh ngayon ay isa ng Cabinet member—

TABERNA: Ngayon pipilina tayo para lang makausap natin itong si Secretary Roque.

BAJA: Oo nga eh, tingnan mo nga naman.

TABERNA: Congratulations po, Secretary Roque.

SEC. ROQUE: Maraming salamat po.

TABERNA: Doon po sa mga hindi nakakaalam. Paano po ba—nag-apply po ba kayo diyan sa trabaho na iyan?

SEC. ROQUE: Hindi naman po. Inalok po naman tayo ng trabahong ito at pagkatapos ng pagdarasal at pagmuni-muni ay tinanggap naman po natin.

BAJA: Mayroon po bang nagrekomenda sa inyo, Secretary?

SEC. ROQUE: Ang alam ko po eh talagang nagdesisyon lang ang Presidente at sinabi naman po ni Presidente na personal ang mga dahilan niya kung bakit ako ang itinalaga.

BAJA: Ah parang ganito ang nangyari, naghahanap ang Pangulo ng Spokesman. Ito si Harry Roque ang kunin natin, parang ganoon ho ba ang nangyari, Secretary?

SEC. ROQUE: Hindi ko po talaga—

Q: [laughs]. (overlapping voices).

SEC. ROQUE: Kasi personal ang kaniyang desisyon.

BAJA: Walang nagrekomenda—

TABERNA: On his own volition…

BAJA: Nakita siguro niya at napanood o nalaman at may ebidensiya na siyang nakita sa inyong kakayahan, Secretary?

SEC. ROQUE: Well nasa Presidente po talaga iyon. I do not want to presumptive po ‘no pero may tiwala naman po ata sa atin ang Presidente.

TABERNA: Naalala ko, ang Pangulong Duterte kasi noon medyo malapit na kay dating Pangulong Gloria Arroyo ‘di ba? Eh paano kapag nalaman ni Presidente Duterte na kayo pala iyong dahilan kaya nabuko iyong sinasabing bank account ni First Gentleman Mike Arroyo sa [laughs]—

SEC. ROQUE: Magkaibigan po kami ni Congresswoman Gloria Macapagal Arroyo sa Kongreso at nagsama kami ng isang taon at kalahati.

BAJA: Opo, opo. Hindi ba kayo sinisita doon habang katabi ninyo?

SEC. ROQUE: Hindi naman po. Alam ninyo naman po diyan sa Kongreso talagang barkadahan po diyan sa Kongreso. I refer to Congress as my happy place po.

TABERNA: Opo, Secretary mapuntahan lang po natin iyong malaking issue, banner story po sa ilang mga online news na nagbitiw na po si Chairman Dionisio Santiago ng Dangerous Drugs Board. Mayroon na po bang official statement ang Palasyo tungkol diyan, ang Pangulo?

SEC. ROQUE: Well, kasalukuyang ginagawa pa ko iyong statement ‘no. So sandal na lang po matatapos na at ire-release na natin iyan.

TABERNA: Eh tutal—tapusin ninyo na po ngayon…eh dito nakikinig po kami.

SEC. ROQUE: Well, at gaya ng sinabi ko na mayroon po kasing proseso sa Palasyo at hindi pupuwede na ako ay magre-release lamang ‘no. May dinadaanan po iyong mga impormasyon at kaunting hintay na lang po.

TABERNA: Kaunting hintay na lang. Pero are you—siguro minus ng details. Are you confirming that Chairman Santiago has already tendered his resignation po?

SEC. ROQUE: Well mayroon po akong hinihintay pang mga dokumento before I could confirm anything ‘no. So gaya ng sinabi ko po sa inyo dati, teka muna, teka muna ‘no. I really need to get my hands on some document. So ngayon po sabi ko nga po doon sa isyu ninyo, kung mayroon namang puwedeng ibang pag-usapan pa dahil pinaplantsa naman po itong isyu na ito.

TABERNA: Hindi pero okay lang po iyon, rerespetuhin po natin iyong mga protocols diyan sa Malacañang. Pero kumpirmado na po ba na nag-resign si [laughs]. Ang kulit mo Secretary ha. [laughs].

BAJA: Hindi iyong tinatanong mo kanina kumbatsero tungkol kay Asec. Mocha Uson—

TABERNA: Eh sakop ninyo ho ba iyong—

BAJA: Paano ho ba ang hatian ng trabaho ninyo diyan sa Malacañang ngayon?

SEC. ROQUE: Well alam ninyo po, itinalaga po ako bilang isang miyembro ng gabinete ‘no. Ang aking pinalitan po na Spokesperson si Undersecretary Abella. Siya po ay nasa ilalim ng PCOO bilang isang Undersecretary ‘no. So kami naman po ay nagtutulungan ng PCOO, pero malinaw po na wala akong mandato ‘no ‘pagdating doon sa mga opisina na malinaw na nasa ilalim ng PCOO.

At iyong isyu po ni Asec. Mocha Uson eh talaga pong iyan ay dapat aktohan ni Secretary Martin Andanar. Ang naintindihan ko po ang Spokesperson hiwalay na po siyang departamento pero ang mapapasailalim lang yata sa akin ay isang media relations office at saka iyong kay—iyong concept department ‘no kumbaga ‘no iyon iyong mga nagve-vet ng information para maging basehan sa mga statement at mga sasabihin ko sa ating media at sa publiko. So maliit na maliit po ang departamento ko pero lahat po—

BAJA: Bumuo na ng bukod na departamento para sa inyo, para sa Spokesperson na ang dati sabi ninyo ay Usec., lang pala ang position ni—ang rango ni Spokesman—Anong ngalan noon?

SEC. ROQUE: Abella.

BAJA: Abella.

SEC. ROQUE: Opo.

BAJA: Nandiyan pa rin ho siya? Tuloy pa rin ho siya diyan?

SEC. ROQUE: Nandiyan pa po siya. Nananatili po siyang Undersecretary ng PCOO.

BAJA: PCOO? Iyon. So lumikha ng bagong departamento diyan para nakabukod na ang Spokesman?

SEC. ROQUE: Opo, tama po iyon.

TABERNA: Okay, maiba lang po tayo ha. Tutal naman eh marami tayong puwede pang pag-usapan. Halimbawa po, ang sabi po ni CJ Sereno, ‘Ayaw kong mag-resign.’ Eh kahit na po pinipilit ninyong siya ay mag-resign?

SEC. ROQUE: Well hindi naman po sa pinipilit, iyan po ay isang suhestiyon ‘no. Pero dahil nagsalita na po si CJ Sereno, eh hinahayaan na po namin ang bagay na iyan sa Kamara ‘no. Dahil ang impeachment naman po ay isang constitutional process. Sumagot lang po tayo doon sa press conference na kung pinapahina natin ang institusyon ng Hudikatura sa pamamagitan ng impeachment, ang kasagutan ko po doon eh hindi naman po magpapahinga sa Hudikatura bilang isang institusyon ang impeachment complaint dahil iyan po ay nakasaad talaga sa ating Saligang Batas ‘no.

At doon ko pinasok iyong konsepto na, para siguro maprotektahan na rin ang integridad ng Hudikatura eh dapat sigurong ikonsidera na ni Chief Justice ang pagre-resign. Nakasagot na po siya, hindi siya magre-resign at iiwan na po namin sa Kongreso ang bagay na ‘yan.

BAJA: Hmm. Sabagay si Congressman Harry Ro—isa kayo doon sa mga pangunahing endorser noong impeachment kay Chief Justice ‘di ho ba, Secretary?

SEC. ROQUE: Hindi po ako nag-endorso ng impeachment laban kay Chief Justice, doon po ako kay (overlapping voices)

Q: (overlapping voices)… Bautista… Nalilito na tayo sa mga ini-impeach.

TABERNA: Oo. Ano po ang epekto noon, bagama’t mayroon naman siyang… mayroon po siyang sariling legal o defense team, mayroon siyang sariling spokesperson para po sa impeachment. Kayo po… bilang isang miyembro ng husgado, ano po ang tingin ninyo epekto nito in specifics, sa kaniya pong trabaho bilang pinakamataas na pinuno ng ating Korte Suprema?

SEC. ROQUE: Well sigurado po ako na kinakailangan pag-ukulan niya ng pansin ito ‘no dahil napakaimportante naman nitong prosesong ito ‘no. Bagama’t gaya ng sinabi ninyo, marami naman siyang mga abogado, marami siyang mga spokesperson.

TABERNA: Uhum. Pero hindi po ba maaring magamit ang resources ng Korte Suprema tungkol po dito?

SEC. ROQUE: Well sa pagkakaalam ko po eh, dapat huwag namang gamitin iyong resources ng taumbayan sa depensa sa isang impeachment proceedings ‘no. At nagtitiwala naman po ako dahil mahistrado naman po ang ating Chief Justice, eh she’s entitled naman to the presumption na iyon naman po ay nangyayari.

TABERNA: Pero puwede po bang mag-extend ng tulong sa kaniya ang sinuman pong empleyado ng Korte Suprema?

SEC. ROQUE: Well hindi po kasi trabaho ng mga taga-korte iyong pagdepensa sa isang opisyal at legal na proceeding gaya ng impeachment ‘no. Noong minsan nga, noong natanggal po iyong si dating Chief Justice Corona, naging issue kung dapat bang depensahan ng opisyal na tagapagsalita ng Hudikatura iyong Chief Justice na ini-impeach. Pero ngayon po, wala naman tayong ganiyang problema dahil hindi naman natin naririnig iyong tagapagsalita ng Supreme Court na dumidepensa sa Chief Justice.

TABERNA: Opo. Tama ‘no, hindi katulad ni dating Supreme Court Spokesman Midas Marquez ano, he was speaking for CJ Corona noon ano?

SEC. ROQUE: Opo, opo…

TABERNA: Oo, si Theodore Te ay hindi sumasagot.

BAJA: Si Chief Justice ay may sariling spokesman para dito.

TABERNA: Para sa impeachment na ‘to.

BAJA: Eh tama, tingnan natin ang mga magiging development niyan sa Kongreso. Eh any update Secretary sa ASEAN Summit? Next week na ‘yan at malaking event ‘yan, susubaybayan ng buong mundo ‘yan, at katunayan eh walang pasok ang marami sa atin dito.

SEC. ROQUE: Well all systems go naman po tayo sa ASEAN, in place na po ang seguridad; in place na po iyong secretariat natin lahat diyan sa ASEAN; in place na rin ang ating international media desk; at alam na rin po ng Malacañang Press Corps kung saan sila magko-cover doon sa ASEAN ‘no.

Pero ito po’y makasaysayan dahil 50th year po ng ASEAN ngayong taong ito, at tayo po ang Chairman ng selebrasyon sa ika-50th anniversary ng asosasyon. At hindi lang po iyon ‘no, kauna-unahang pagkakataon na makakarating sa bansa natin itong si President Trump ‘no. Alam natin na malalim ang samahan ng Pilipinas at Estados Unidos, may mga bagong mga developments sa ating relasyon pero tingin ko, mananatiling malapit sa isa’t isa ang mga Pilipino at mga Amerikano.

BAJA: Uhum. Confirmed na po ba na kukumpletuhin o mag-e-extend ng stay dito si President Trump?

SEC. ROQUE: Ay, si President Trump mismo po ang nagsabi niyna ‘no, at kinatuwa naman po ng ating Presidente.

BAJA: Okay. Panghuli na lang siguro, doon sa issue ng extra judicial killings Secretary, na obserbahan ko lang na nitong mga nakaraang araw, parang tumindi iyong mga kampanya laban sa EJK, may mga sunud-sunod pang mga grupo o organisasyon na itinatag para dito; may grupo pa nga ng mga abogado. Ano hong naging reaksiyon dito ng Pangulong Rodrigo Duterte?

SEC. ROQUE: Well wine-welcome po namin ‘yan, pagbuo ng mga grupo ng mga abogado ‘no, dahil kinakailangan po talaga natin ng ebidensiya para ma-overcome iyong presumption of regularity sa discharge ng functions ng mga kapulisan ‘no. Eh kahit saan naman po tayong bansa pumunta sa mundong ito ‘no, talagang pini-presume natin na tama ang ginagawa ng kapulisan. Pero hindi ibig sabihin naka taga na iyon sa bato ‘no. Kinakailangan ng ebidensiya para po ma-overcome o mabale-wala iyong presumption na ‘yan. At diyan naman po papasok ang mga abogado dahil sila ang kakalap ng ebidensiya, at kung mayroong sapat na ebidensiya eh mawawala iyong presumption na iyan at magreresulta sa pag-imbestiga, paglitis at pagpaparusa sa mga kapulisan kung sila nga ay napatunayang nagkasala.

BAJA: Baka kasi sa susunod ho, marinig na naman natin na ito’y konektado sa mga destabilization plot.

SEC. ROQUE: Hindi naman po, kasi malinaw naman ang naging polisiya ng Presidente eh. Nung nakita niya na bitbit na ng kapulisan iyong si Kian ‘no, eh tinawagan niya si General Bato at sinabing hulihin na ‘yang mga pulis na ‘yan ‘no. Malinaw po ang polisiya ni Presidente, kapag ang patayan ay dahil mayroong legal na engagement, suportado niya ang kapulisan. Pero kung ang patayan ay iligal, walang necessity, walang pong partiality, eh pahuhuli naman niya ang mga kapulisan. Pero ganoon pa man, eh tingin ko wala naman kaduda-duda na itong war against drugs ay nagresulta sa mas tahimik, mas payapang mga komunidad. At napakamahal na presyo ng pinagbabawal na gamot, patunay na talagang bumaba ang supply ng mga pinagbabawal na gamot.

TABERNA: Okay. Secretary Harry Roque sir, maraming salamat po at good luck po sa inyo. Ang Malacañang nga po pala ay tinatawag ding ‘snake pit’ ha, baka hindi ninyo alam. Marami pong tumutuklaw diyan ha, baka lang nawawaglit kayo at… tanong ninyo ho kay Mayla.

SEC. ROQUE: Ang sabi ko nga po, ako naman po ay isang boa… boa constrictor…

TABERNA: (laughs) Thank you, Secretary Harry Roque. Magandang gabi po.

SEC. ROQUE: Maraming salamat po.

TABERNA Hihintayin po namin kahit text ninyo lamang iyon pong statement tungkol po kay Chairman Dionisio Santiago. Thank you po, sir.

SEC. ROQUE: Opo. Okay, maraming salamat po.

TABERNA: Maraming salamat. Si Presidential Spokesperson Harry Roque.

Resource